Page 22 - Suara Sarawak B

6
Enam rumah panjai PKPD UDAH DIANJUNG PEMAKAI
HARI DUA • 6 Julai 2021
SRI AMAN: Sepenyampau enam buah rumah panjai ti diasuh bepekul ketegal Atur Mindah Betagang Dipekul (PKPD) udah nerima bantu pemakai.
Ku Menteri Muda Pengintu Pengelantang Komuniti Datuk Francis Harden Hollis, bantu pemakai nya dikena nge- lempung tating penusah 114 pintu rumah panjai nya.
“Bantu pemakai nya disadung ngagai 29 pintu rumah panjai Nanga San, 14 pintu di Beleti, 22 pintu di San Demam A, 11 pintu San Demam, 26 pintu di Siga
enggau 12 pintu di Tekalong. “Nya entara inisiatif Pa- lan Servis Dun Simanggang enggau kerejasama Raban Nembiak sereta Raban Indu SUPP Pampang Siman-
ggang,” ku Harden.
Adun Simanggang nya
madah, pengawa nganjung bantu pemakai nya tang- gung pengawa gerempung ukai dikuasa perintah (NGO) ke bisi belanja dikena nyen- diaka bantu pemakai nya.
“Kebendar, Opis Pengintu Pengelantang Mensia Mayuh (JKM) deka nyendiaka bantu pemakai enti sebuah rumah panjai
tauka genturung pendiau nya diasuh bepekul,” terang iya.
Harden mega madah, pengawa nganjung bantu pemakai nya udah bulih pemendar ari Komiti Pen- yangga Penusah Pelilih Sri Aman enggau ngasika se- mua Atur Pengawa Stand- ard (SOP).
Dulu ari nya, SUPP Simanggang mega udah nganjung bantu pemakai ngagai Rumah Rebi di Stumbin enggau Rumah Mara di Gran dikena nge- lempung tating penusah ti diasuh bepekul.
UDAH TANGGUNGPENGAWA... Harden disempulang bala bukai udah nyuaka bantu pemakai ngagai siku pengari di sebuah rumah panjai ba Sri Aman.
61 lumpung kayu dirampas polis
BINTULU: Raban Polis Marin (PPM) Wilayah 5 Bintulu mujur ngerampas batang kayu dipelaba ditebang chara belalai lebuh bejalaika dua operasyen di Jalai Pesisir Bintulu-Bakun, Hari Lima tu tadi.
Ba operasyen ket-
erubah, raban polis
marin mujur ngeram-
pas 61 lumpung kayu bemacham bansa enggau pemesai ba tisi jalai se- mak lawit Jalai Pesisir Bintulu – Bakun urung pukul 9 malam.
Raban polis mega mujur nangkap siku lelaki peranak menua beumur 49 taun ke mega deriba lori treler nya.
Udah nya, sida mujur ngetan se- buah agi lori treler enggau diperesa lalu raban PPM mujur tetemuka 59 batang kayu bemacham bansa enggau pemesai.
Pegawai Pemerintah Markas Operasi PPM Wilayah Bintulu Asisten Komisioner Ezuandi Bahadin madah, pengawa dipejalai dalam Op Landai nya asil pengawa nyubuk ari raban Unit Nginau Marin (URM) dikena ngemunaska pengawa betebangka batang kayu chara belalai di Sarawak.
Ku iya, ba operasyen keterubah sida mujur ngerampas batang kayu berega
RM15,250 enggau operasyen kedua nya berega RM14,750 nitihka bansa enggau pemesai batang kayu nya.
“Lebuh meresa semua batang kayu nya, sida ditemu ngelanggar atur Ordinan Perhutanan Sarawak 2015 laban nadai chop rasmi Opis Kampung Sarawak lalu dipechaya semua batang kayu nya ditebang chara belalai.
“Taja rega barang ditampas nya mimit aja tang PPM Wilayah 5 deka chakah bejalaika operasyen dikena ngemunaska pengawa betebangka kayu chara belalai.
“Kami mega ngarapka mensia mayuh ke nemu sentang pekara tu ulih madah ngagai kami ngambi terus bejalaika operasyen,” ku iya nerang.
Ezuandi madah, semua batang kayu ti dirampas nya deka dibai ngagai Opis Kampung Sarawak Bagi Menua Bin- tulu ungkup atur bukai.
DIRAMPAS... Raban PPM Wilayah 5 Bintulu meresa lumpung kayu ti dipelaba dibai chara belalai sereta ngelanggar atur Ordinan Perhutanan Sarawak 2015 dalam Ops Landai di Jalai Pesisir Bintulu- Bakun.
Pekit Video Pandak 2021 <
Tebuka ngagai semua
KUCHING: Librari Nengeri Sarawak deka ngatur Pekit Video Pandak 2021 berambaika jaku ‘daun’ berengkah 1 Julai nyentuk 30 Ogos tu.
Pekit nya diatur beser- imbai enggau Pengerami Sarawakiana ti diatur kena 1 ngagai 30 September tu.
Pekit nya tebuka ngagai semua peranak ke diau ba Sarawak sereta ngembuan batang tuju ngetanka adat enggau main asal komuniti di menua tu.
Pia mega, pekit tu diatur dikena nambahka kolek- syen digital sereta nerenak minat enggau kreativiti ngasilka video pandak ari mensia mayuh.
Barang sapa ke deka nemu atur masuk pekit tu tauka penerang silik nya kitai tau scan Kod QR ba poster.
Ungkup penerang silik, mensia mayuh tau tel- efon nuju pegawai Pustaka Negeri Sarawak, Jassalini Jamain (jassalij@sarawak. gov), Feizul Median (md- feizul@sarawak.gov) tauka Affendi Iezara (affeniez@ sarawak.gov.my)
REBUT PELUANG DIATU... Pustaka Negeri Sarawak deka ngatur Pekit Video Pandak 2021 berambaika jaku ‘daun’ berengkah 1 Julai nyentuk 30 Ogos tu.