Page 5 - MIN ON

AWEMainta Dialuna, 23 Mei 2016 21

Foam, plastic, bleki, papel, glas, aluminium y carton uza
a conoce un bida nobo den mannan di e participantenan,
kende tabata permiti di, ademas, uza lijm y verf pa logra e
producto final desea.
E hurado ta consisti di tres miembro y den e proceso pa
scoge e ganadonan ta hopi importante criterianan manera
e porcentahe di e materialnan recicla uza y e tecnica cu e
participante a uza.

Tambe nan ta concidera e posibel uzo practico of decorativo
di e proyecto presenta; y e creatividad, y acabado.
Cada klas, individual y grupo participante lo ricibi un cer-
tificado pa na participacion y pa e ganadonan AHATA tin
un coleccion di bunita regalo atractivo cu nan a ricibi di
diferente sponsor.

E Comision di Medio Ambiente di AHATA ta invita comu-
nidad di Aruba pa bishita e exposicion, cual ta habri for di
8’or di mainta pa 12’or di merdia y di 2’or pa 5’or di atardi.
Entrada ta gratis. Pasa admira e creatividad di nos comuni-
dad, y keda inspira pa e proyectonan presenta pa Reduci,
Re-uza, y Recicla.

Pa e di 14 edicion di e competencia aki, AHATA ta conta cu
un grupo hopi valioso di sponsor, incluyendo e patrocinador
principal, esta Tara Eco.
AHATA ta gradici Biblioteca Nacional pa nan gran coopera-
cion pa cu e expo.