Page 1 - AM200703
P. 1
Juli 3, 2020
www.awemainta.com
www.facebook.com/awemainta
noticia@awemainta.com
583-1400
NO A HAYA SUBSIDIO DI SALARIO Y MENOS AINDA FASE
AYERA merdia un grupo di trahador afecta dor di Covid-19 a bay para dilanti
Sociale yerzekeringsbank (SVb) na Eagle pa reclama dicon nan no ta hayando nan
placa di subsidio di salario of di FASE.
Parce cu companianan ta abusa di nan trahadornan, dor di keda sin cumpli cu
nan trahadornan, lagando nan den debe atras y sin pan riba mesa. Ta trata aki di
trahadornan di e compania contratista Youth Contractor Aruba y Network.
Mayoria di e trahadornan tabata trahando na Barcelo Hotel & Casino. Locual ta
sosode cu mayoria di e hotelnan no ta emplea trahador mas, sino ta laga contratista
tuma nan den forma di “uitzendbureau” y asina por kita nan facilmente ora cu tin
“low season”.
Tur esaki ta pa evita cu ora hotel mester baha su gastonan, cu nan ta pega cu un
cantidad di trahador den servicio directo, cu tur e beneficionan cu leynan laboral ta
otorga e trahador.
Locual por a sinti n’e sitio ta cu e doñonan di ambos contratista a haci un bon trabou
den bruha e trahadornan di e reglanan di Subsidio di Salario y di FASE.
A bruha nan dos den otro, aunke cu na final e trahadornan no a haya ni esun ni e
otro. Den un di e companianan tin trahador cu a cobra y otronan cu no a cobra,
locual sin duda a causa hopi rabiamento.
