Page 1 - AWEMAINTA

November 19, 2019
www.awemainta.com
www.facebook.com/awemainta
noticia@awemainta.com
583-1400

E barco di Marina Real Hulandes Zr.Ms. Groningen

PA DI 3 BIAHA DEN CORTO TEMPO,

A INTERCEPTÁ TRANSPORTE DI DROGA

E barco di patruya di Guardacosta den Region Caribense a para un asina yama ‘go-fast’

E Dash-8 den e área, un avion di patruya Marítimo
di Guardacosta Caribe, a descubrí e ‘go-fast’ riba un
ruta di contrabanda conocí.

Riba esaki e barco a envolucrá su helikòpter di guera
marítimo NH90, pa recaudá mas informacion.
Na momento cu e NH90 a logra mira e ‘go-fast’
skèrpi, e tripulacion di e ‘go-fast’ a purba di tira tur
cargamentu den laman.

Groningen e ora ey a lansa su botonan di velocidad

halto (FRISC), cu tabatin abordo un ekipo combiná
di Guardacosta Mericano y Cuerpo di Marina. Nan
a detené esnan cu tabata riba e ‘go-fast’ y a saca e
paketenan di droga for di laman.

E sospechosonan y e droganan despues a keda
entregá n’e barco di Guardacosta Mericano Robert
Yered, pa persiguicion tuma lugar na Estados Unidos.
Sigun calculacion den e accion aki tabatin 350 kilo

di droga envolucrá.
Zr.Ms. Groningen for di aprel 2019 ta activo
den region como Barco di Patruya y ta combiná
operacionnan contra transporte di droga cu sosten di
Guardacosta Caribe. Na òctober tambe dos biaha e

barco a sa di interceptá un transporte di droga.