Page 1 - AM210703
P. 1
Juli 3, 2021
www.awemainta.com
www.facebook.com/awemainta
noticia@awemainta.com
583-1400
UN BIAHA MAS
INTERCEPCION DI
DROGA ZR.MS. HOLLAND
DEN REGION CARIBE
E barco di Marina Zr.Ms. Holland, pa di tres biaha den un tempo còr-
tico, a interceptá un transporte di droga. Den laman Caribe e barco di
patruya a sa di stòp un barco di pesca cu abordo diesocho (18) persona.
Hunto cu esaki e barco a interceptá 325 kilo di cocaina. E captura a
tuma lugar riba diadomingo 20 di jüni y awe ta keda mandá afó.
Un di e avionnan marítimo di patruya di Wardacosta Region Caribe, a
descubrí e barco di pesca, cu na dje mará un ‘go-fast’ un barco rápido di
droga. Despues di esaki a avisá Zr.Ms. Holland, cu despues a pasa pa
accion cu su dos barconan rápido di intercepcion (FRISC), cu a bordo
un ekipo combiná di Wardacosta Mericano y Cuerpo di Marina. Tambe
e helikòpter marítimo di combate NH90 a keda activá.
Despues cu e diferente unidadnan a asercá, e pasaheronan di e ‘go-fast’
bashí, den forma di desviacion, a lòs esaki. N’e momento ey nan a tira
un cantidad grandi di contrabanda den laman. Un FRISC di Zr.Ms.
Holland a bolbe saca e bultonan for di den laman.
E ekipo di embarke Merikano a subi a bordo di e barco di pesca y a
detené e diesocho (18) pasaheronan. E barco di pesca tabata nabegá
bou di bandera Venezolano y tur e pasaheronan ta di nacionalidad Ve-
nezolano.
E sospechosonan y e contrabanda mas despues a keda entregá na un
barco di Wardacosta Mericano. Den e accion 325 kilo di droga a keda
confiscá.
Di tres biaha
Zr.Ms. Holland como barco patruyero for di mei 2021 ta atrobe activo
den region, y ta combiná operacionnan anti-droga sosteniendo Warda-
costa Caribe. Mas na cuminsamentu di e luna aki caba e barco aki a sa
di interceptá dos transporte di droga.
