Page 1 - AM210914

www.awemainta.com WWW.Facebook.com/awemainta noticia@awemainta.com 583 1400 Diamars, 14 September 2021
Gobernador Alfondo Boekhoudt invitado

na celebracion 15 aña Cas Marie

Cas Marie, e centro di encuentro na Savaneta
pa persona cu demencia y nan famia, dialuna di
13 di september a celebra nan di 15 aniversario.
Gobernador di Aruba, Alfonso Boekhoudt,
tabata presente como invitado n’e celebracion.

Na su yegada, Directora di Cas Marie, señora
Lisette Does a ricibi Gobernador Boekhoudt. Sr.
Boy Escalona, un di e fundadornan, a combersa
cu Gobernador splicando tocante e origen di Cas
Marie y e desaroyo di e fundacion e ultimo 15
añanan.

Despues di e combersacion señora Does a duna
Gobernador un recorido dor di e compleho.

Finalmente Gobernador a presencia un parti di e
celebracion chikito tumando lugar na Cas Marie.
Fundacion Cas Marie ta brinda diferente
servicio cu e meta pa mehora e calidad di bida di
personanan cu demencia y nan famia:
- Servicio di pasadia,
- servicio di informacion,
- servicio di sosten y guia na famia of individual ,
- servicio di test Neuro-psychologico riba peticion
di specialista. (Potret: © Kabinet Gouverneur Aruba)

Pa mas informacion por mira
www.casmarie.com.