Page 4 - AVB
P. 4
40 AWEMainta Diamars, 9 Augustus 2016
E Deporte Rey a briya E deporte Rey na Aruba, esta futbol
SV Dakota, SV Britannia y Deportivo a conoce dos wega bunita siman pasa
Pereira a duna publico un bunita show ora cu Deportivo Pereira di Colombia
a enfrenta SV Britannia cu un ekipo
reforsa diahuebs ultimo y riba diasa-
bra a hunga contra SV Dakota.
E evento a ricibi tremendo sosten
di SV Britannia y SV Dakota, como
tambe di sponsornan cu a uni na e
evento. Segun Eddie Berg a comenta,
e weganan tabata un bon oportunidad
y “warming up†pa e campeonato na-
cional cu ta na caminda.
E ekipo di Deportivo Pereira a con-
sisti di hungadonan den e categoria
U20 y algun hungado mas grandi. E
prome, contra SV Britannia, a caba cu
un score di 1-1; y e di dos wega, cual
tabata contra di SV Dakota a keda
gana pa Deportivo Pereira cu un score
final di 2-1.
Berg a comenta cu nan a haya tambe
un clinica di e coach di Deportivo
Pereira, kende a splica di cambionan
grandi tumando luga den e estilo y
sistema di hunga futbol na Colombia.
El a bisa cu e coach a remarca cu
nan ta alehando for di e sistema “tiki
taca†cu nan tabata uzando e ultimo
añanan, y ta adoptando un sistema
mas agresivo, cu mas coremento.
Esaki tambe ta haci cu, Deportivo
Pereira cu tambe ta den e transicion
aki, no ta rib’e nivel cu normalmente
e lo ta.
Pa loke ta futbol na Aruba, Eddie Berg
a bisa cu tin progreso y e publico di
Aruba ta weitando bon wega local-
mente; y e dos weganan internacional
a haya bon acogida y tur hende ta
spera cu lo por bin cu mas encuentro-
nan asina den futuro.
E weganan cu ta envolve teamnan
internacional ta importante p’e team-
nan di Aruba, y esunnan cu a tuma
luga siman pasa tin nan funcion como
cu e campeonato nacional no a caba
mucho tempo pasa y e weganan tabata
un bon “restart†p’e hungadonan cu
tabata hopi contento di por hunga un
wega internacional na Aruba.
Tabatin hopi entusiasmo, special-
mente organisatoriamente, pero e
publico a disfruta di encuentronan di
futbol fabuloso.
