Page 3 - UTILITIES 21 JUNE 2016
P. 3
Eman: Encuentro cu stakeholdernna tabata masha importante pa yuda cu aspectonan di
mercado laboral
Monday, 20 June 2016 20:31
Comparti
Prome Minister Mike Eman den un declaracion duna a splica cu Parlamento lo bay haya tur documento
relaciona cu e acuerdo cu CITGO pa reapertura di e refineria cu tabata di Valero.
Presidente di Parlamento a manda un carta pa Gobierno den cual e ta pidi pa tur documento p’asina
Parlamentarionan haya suficiente tempo pa studia esaki prome cu e reunion wordo yama.
Eman a confirma cu el a ricibi e carta di Presidente di Parlamento den cual ta wordo bisa cu tin hopi
informacion ta wordo duna siendo cu Parlamento mes no a haya ningun documento ainda. Minister di
Asuntonan Economico y encarga cu Refineria ing. Mike de Meza den e dianan, segun Prome Minister, lo
ta mandando documentonan pa Parlamento pa nan ta na altura di e proceso cu ta cana pa finalmente yega
na tratamento den Parlamento di tur ley y contracto, cu mester cana nan caminda pa yega Raad van
Advies. E team di Minister di Meza tambe ta preparando nan mes pa un encuentro cu Parlamento si nan
ta desea esaki. “Gobierno no tin ningun problema cu esaki, pasobra e ta proceso cu mester cana pa por
yega na un tratamento den Parlamento cu ta necesario pa prome cu prome di augustus e bira ley y
cuminsa cu rehabilitacion di e refineria.â€
E mandatario a recorda cu e hecho aki ta algo masha importante pa cual a bin ta teniendo reunion cu
IOWUA, contractistanan cu antes a traha eyden, gremio comercial, dunando splicacion amplio di tur loke
a wordo palabra y acorda. E mandatario a sinti hopi positivismo, y optimismo entre otro pa e
inversionnan grandi cu ta un contribucion grandi pa creacion di cupo di trabou, poder di compra di e
ciudadanonan, principalmente den sector industrial cu pa hopi tempo no tabatin. E ta kere cu esaki lo
nifica cu sector priva lo haci hopi inversion tambe.
E encuentro cu e stakeholdernan cu a tuma luga siman pasa, segun Prome Minister Eman, ta algo hopi
importante. Esaki pasobra ora cu tin un demanda asina grandi riba mercado laboral di un sector cu e
ultimo añanan no tabata activo mas den dje, ta haya un chens grandi pa percura cu tin suficiente
empleado cu tin e preparacion pa por drenta e mercado laboral nobo, cu ta paga bon y atractivo pa
hobennan cu kier sigui den un area industrial, mas tecnico. E ta bay crea un cantidad di cupo di trabou cu
ta hopi specifico di e refineria, cu algun elemento di siguridad hopi importante. Den e encuentronan aki,
por ehempel ta haya hopi informacion for di e sindicato IOWUA y contractistanan di aspectonan tecnico y
conocementonan necesario pa traha den e sector aki. Di e forma aki por pasa pa scolnan manera EPB y
EPI ki tipo di profesionalnan mester, reformando nan pa drenta e refineria. Ademas, tin un grupo di
veterano di e refineria cu por duna un aporte hopi grandi na formacion di hobennan y asina tin un otro
generacion bon prepara riba nivel tecnologico, cu bon oportunidad pa sigui crece.
