Page 1 - AM210118
P. 1
Januari 18, 2021
www.awemainta.com
www.facebook.com/awemainta
noticia@awemainta.com
583-1400
UN HOBEN DI 21 AÑA TA BIRA VICTIMA N’E
DI TRES ASESINATO REGISTRA NA ARUBA
Den corto tempo
DIABIERNA anochi na Sabana Basora a sosode un
caso lamentabel di asesinato. Demostrando asina cu e
Plan di Crisis Social no ta funciona. Esaki a bira e di 3
morto tragico por medio di asesinato, unda tin hoben
envolvi.
Tabata banda di 09:13 pm, Central di Polis ta haya
notificacion cu un persona a wordo tira. Na yegada di
e patruya ta bin encontra un persona sinta den un auto
cu un tiro den cabes. Nan a bin topa cu dos guy hopi
nervioso, kendenan a huy na pia despues.
Mesora a pidi asistencia di Recherche, Polis Tecnico y
Slachtofferhulp.
E victima a resulta di e hoben, Lisander Leonardo
Ignacio, mas conoci bou di e nomber “Sammy
Ignacio”. El a nace na Aruba 9 november 1999. E ta
laga un yiu di 4 aña atras. Pa exactamente 10:25 PM
dokter Textier a constata morto di e victima aki kende
a ricibi un tiro den su cabes. Tur cos ta mustra di ta un
reglamento di cuenta di gang.
Esaki t’e di tres caso caba di asesinato registra na
Aruba p’e aña aki.
