Page 1 - AM210122
P. 1
Januari 22, 2021
www.awemainta.com
www.facebook.com/awemainta
noticia@awemainta.com
583-1400
TRAHADORNAN DI ELMAR A WAK OUT AYERA MERDIA
E tabata di spera despues cu sindicato Alvast a duna di
conoce cu lo permiti pa gerencia di N.V. Elmar mishi
cu nan salario. Demas trahadornan na Elmar, cu tin
porcierto 2 sindicato, esta UEA, maske cu STA a gana un
referendum, pero no a tende nada mas di cua sindicato ta
representa e trahadornan, kende ta sinti nan mes, manera
“yiu sin mama”.
Den e dianan aki, tur caminda por tende cu trahadornan
di tur compania estatal mester sigui entrega, maske e
protocol di 2019 a vence, pero awor Gobierno ta di opinion
cu medida aki tin cu sigui te un proximo aviso.
Ayera e problema di corta den salario a yega ELMAR.
Esaki a pone cu den oranan di merdia pa atardi, e
trahadotnan a bandona trabou en espera di representante
di nan sindicato (?) yega pa papia cu nan.
Gerencia di Elmar a mustra cu apenas ayera mainta a duna
trahadornan di informacion cu lo bay corta den nan salario
cu 12.5%. E tabata un decision unilateral, y pesey ora cu
salario a pasa den oranan di merdia, a constata cu berdad
nan a cobra menos.
Trahadonan a rabia pa motibo cu gerencia a tuma e decision
aki den forma unilateral, sin consulta cu nan sindicato y
di un ora pa otro a anuncia esaki y a implement’e. Pesey
a dicidi di bay den accion, maske e ta ser califica como
un accion a lo loco, pero gerencia a viola regla di bon
gobernacion y ata a walk out . E intencion ta pa sigui
awe, te ora gerencia mustra cara pakico e decision aki sin
consulta.
