September 8, 2016
   www.awemainta.com
   www.facebook.com/awemainta
    noticia@awemainta.com
    583-1400

Aruba Bank ta invita comunidad pa descubri
  e detayenan unico di nos monumentonan

                                                         ARUBA Bank ta un biaha mas partner cu e instancianan cu ta encarga cu preservacion

                                                                   y promocion di cultura di Aruba pa medio di e di cinco edicion di Paseo Monumental,
                                                                   cual ta tuma luga riba diadomingo 11 di september.
                                                                   Paseo Monumental e aña aki a ricibi un “bachi nobo”, unda cu comunidad ta keda invita
                                                                   pa pasa busca nan lista di monumento y pregunta na Oficina di Monumentenbureau
                                                                   na Schelpstraat entre 9’or y 11’or di mainta.
                                                                   Cu e lista aki, ta pasa bishita e diferente monumento y ta contesta e preguntanan cu ta
                                                                   refleha diferente detaye di e bida di “antes”, como tambe ta enfoca rib’e detayenan cu
                                                                   ta haci monumentonan di Aruba unico.
                                                                   Aruba Bank ta invita famia y amigonan pa uni y participa den e Paseo extraordinario,
                                                                   cual ta caba cu un celebracion entre 4’or y 6’or di atardi cu bandanan y cuminda local.
                                                                   Aruba pa loke ta trata su edificionan monumental tin hopi di celebra e aña aki, cu dife-
                                                                   rente monumento cu sea a haya un trabao di mantencion grandi of un restauracion
                                                                   completo.
                                                                   Aruba Bank ta orguyoso y sumamente contento di por contribui un biaha mas cu e
                                                                   preservacion y promocion di Aruba su cultura. Bin celebra Paseo Monumental V cu nos.