Page 1 - AWEMAINTA
P. 1
Februari 26, 2020
www.awemainta.com
www.facebook.com/awemainta
noticia@awemainta.com
583-1400
MAS CU MIL KILO DI DROGA INTERCEPTA
DEN oranan di ayera madruga Kustwacht di
Aruba a intercepta un barco cu bandera di Cam-
eroon cu a resulta di tabata transporta mas cu
mil kilo di droga.
Ta trata di e barco Areza, cu ademas di un carga
normal, a sali for di Venezuela rumbo pa Gre-
cia, segun por a compronde.
Aressa ta construi na aña 1978, pues tin 42 aña
caba den operacion como un barco di carga. E
tin un capacidad di 2649 ton DWT y ta midi 95
meter di largura y 13.22 meter di hanchura. Su
“call sign” ta TJMC15.
E barco a bandona Venezuela diadomingo
den oranan di atardi. Diamars den oranan di
madruga e tabata cerca di Aruba y Kustwacht
a dicidi mesora pa ordena e barco y su tripulan-
tenan pa stop pa despues a ordena nan pa coy
direccion di waf di Aruba.
Na momento cu e barco Aressa a yega den or-
anan di madruga, a pidi varios auto di trans-
porte pa transporta e tripulantenan p’e dife-
rente Wardanan di Polis. Mainta autoridadnan
a cuminsa listra e barco y a topa e cargamento
grandisimo cu tin un balor multimiyonario.
Despues di a baha e droga, esaki a keda trans-
porta pa Mariniers Kazerne na Savaneta, paso-
bra ey tin mihor vigilancia, te ora cu Ministerio
Publico dicidi di deshaci di e cargamento aki.
