Page 1 - AM210426
P. 1
April 26, 2021
www.awemainta.com
www.facebook.com/awemainta
noticia@awemainta.com
583-1400
Porfin después di varios aña
TEAM DI INTERVENCIÓN DI KIA Y CEA
A HAYA UNIFORM Y EQUIPO NOBO
TA despues di hopi aña cu e team di intervencion special conoci como IBT BOT-K9
di Instituto Coreccional di Aruba, cu ta consisti di miembronan di KIA y CEA, ta haya
uniform y ekiponan nobo atrobe.
Ta for di aña pasa Minister Andin Bikker tabata atendiendo cu e proyecto aki, pero e
pandemia a presenta sin spera. Na januari 2021 a pone mas velocidad den e proyecto,
ya cu e empleadonan di e team aki di KIA y CEA tabatin hopi aña sin por a haya
uniform y ekiponan nobo.
Ademas a percura pa bestel uniform nobo pa full e personal di KIA cu tambe tin hopi
aña sin haya uniform nobo. Pero comosifuera poco, ora cu tur cos tabata na caminda pa
Aruba, ata ta bin otro retraso atrobe, ora cu e barco a pega den e Suez Canal. Cu retraso
mes parti di e carga a logra yega nos isla, pendiente mas cargamento cu ta na caminda
dentro di algun siman mas.
Director di KIA, Gino Winklaar, a informa cu dos grupo na KIA a haya uniform nobo,
esta e Interne Bijstandsteam (IBT) y e Bijzondere Ondersteuningsteam (BOT K-9 unit).
E uniformnan ta parce esun di Riot, pero tin un diferencia, cu t’e sapato.
