Page 5 - MIN JUS

Diego de Cuba: Cuerpo di siguridad di aeropuerto a scapa dama cu a wordo haya cu arma
for di e camisa de once barras cu el a hinca su mes aden
Saturday, 23 July 2016 13:30

Comparti

Ainda por corda con un turista Mericano a wordo gara cu un arma di candela den su ekipahe.

Pa casualidad de Cuba tabata den e departamento caminda e arma tabata carga. Hecho ta keda cu
siguridad di aeropuerto a cumpli cu su trabao. Esaki a causa cu el a keda deteni. E arma tabata carga. E
caso a bay corte y despues di trata e caso algun luna despues e dama turista sospechoso a sali liber. Huez a
cuestiona tambe e proceso cu siguridad di aeropuerto a atende esaki. Durante entrevista Diego de Cuba di
STA a splica mas con nan ta mira e asunto aki. E ta comenta cu e trabao primordial ta pa evita cualkier
arma of explosivo por subi abordo di un avion. Tacticamente, si mira bon kico a sosode den corte, nan a
logra saca e señora for di e camisa de once barras cu e mes a hinca su mes aden. Un persona, ora cu e ta
bay biaha, e ta responsabel pa su maleta. E mester sa kico tin den su maleta of laga di tin. E dama aki no
por pretende cu ta e bellboy di e hotel a hinca e arma den e maleta, cu ta e taxista a hinca e arma den su
maleta of ta e chauffeur di bus di cualkier compania a hinca e arma den su maleta, cu ta e hende cu ta
check in a hinca e arma den maleta of ta cuerpo di siguridad a haci esaki. De Cuba a wak cu e arma tabata
nobo, full carga. E individuo ta responsabel pa su propio maleta. Den e caso aki, no tin ningun duda cu ta
e mes a hinca e arma den su maleta. Lamentablemente hues a wak’e diferente. Tecnicamente nan a pasa
door di wowo di hangua. Tin di compronde cu aparentemente e persona cu a revisa e maleta aki no a uza
handschoen e momento ey cu el a mishi cu e caha of cu e arma, pasobra net na e momento ey mester a bay
den un reunion cu gerencia di AAA y a laga e caso den investigacion den man di grensbewaking. Ora cu a
detene e persona, e dama tabata doño di e maleta y ta responsabel pe y ta logico cu a detene. Ki mish’e cu
un arma y subi cu e arma abordo di un avion, de Cuba a enfatisa.