Page 1 - AWEMAINTA

November 13, 2019
www.awemainta.com
www.facebook.com/awemainta
noticia@awemainta.com
583-1400

Relaciona di lo ta envolvi den estafa di entrada di Concierto Marco Antonio Solis

RECHERCHE A DETENE CLARISSA ARRINDELL

DESPUES di e impacto cu e noticia tabatin

riba rednan social rond di e grupo grandi di
hende cu a paga Clarissa Arrindell nan tick-
et di entrada p’e concierto di Marco Antonio

Solis sin cu nan por a drenta, a causa cu tin
hende a haci denuncia na Recherche.

Dialuna mainta pa merdia tabatin mas hen-
de cu a bay Recherche San Nicolas pa haci de-
nuncia oficial y a base di esaki, autoridadnan

a dicidi di presenta e denuncia na Ministerio
Publico. Fiscal a base di esaki a dicidi di duna

ordo pa detencion. Recherche a invita Clar-
issa Arrindell pa presenta na Warda di Polis
San Nicolas.

Na su yegada na Warda di Polis, a mustr’e

riba su derechonan y a pasa pa detene. Nan
ta sospeche di “oplichting”, engaña hende,
esta tuma nan placa y no cumpli cu loke el

a priminti. Tur cos ta draai rond di mesanan
den concierto di Marco Antonio Solis reserva
pa un grupo grandi di hende cu a entrega e

pagonan necesario, cu ta casi 70 mil florin.

E caso aki por tin un rabo largo, si Clarissa

Arrindell mester papia. El a declara publica-
mente cu ta SIAD a pone beslag tur tur placa

cu e tabatin den su poder, y como tal no a
haya oportunidad pa bay regla cuenta.
Otro informacion cu ta circula ayera ta, cu

Mando Policial a laga sa caba cu mientras e
investigacion aki ta siguiendo su curso, cu e

empresario Steve Hudson lo no haya ningun
permiso pa ningun actividad mas.

Consecuentemente ya caba el a anuncia un
concierto di Pasco cu algun artista conoci di
Corsou y Aruba, pero si e no haya permiso,

nifica cu esaki por lo pronto lo keda anula.