Page 3 - BRANDWEER

Cuerpo di Bombero: 600 yamada ta drenta tur aña riba
Dia di San Juan

on: June 22, 2016In: LocalNo Comments
Print Email

Ora di yama pa haya ayudo di Cuerpo di Bombero, ta bon pa e esun cu ta yama por duna e
informacion corecto, pa asina e trucknan di Brandweer por yega na tempo pa combati esaki. Segun
Ferdinand Ponson, ora di un yamada na 911, mester tene pasenshi. Ta compronde cu candela ta un
momento hectic pa tur hende. Tin cu compronde riba e dia aki ta un dia hopi druk di parti di central.
Nan ta haya hopi yamada riba e dia aki. Normalmente ta haya 600 yamada riba e dia aki so. Tin cu
tene cuenta cu mas preciso bo ta, mas lihe bo duna e melding, e adres unda e candela ta, laga
nomber y number di telefon, mas lihe brandweer por yama bek y atende e caso mas lihe posibel.
Tabata tin un aña cu a haya casi 800 yamada riba un solo dia y ta purba di pone tres centralista y si
por pone 4 mes, pa nan por coy e yamadanan. Tin den e yamadanan cu ta yamadanan cu ta puntra
otro cos cu no ta bin al caso pa e momento ey of normalmente 911 no ta atende cune. Ta purba di
elimina e yamadanan ey pa e hendenan no yama pa puntra por ehempel carchi di Setar of telefon
no ta traha. Por fabor laga e liña habri pa solamente emeregencia.
Ponson a agrega cu e centralist ta papia cu e hendenan pa purba di wak kico nan por haci. Mientras
tanto nan ta manda un truck eynan. Door cu e centralista no ta eynan y brandweer tampoco no por
bisa con e candela ta. E truck ta bay y tin hende ta rabia y ta mira cu e candela no por expande y ta
bezig ta casi caba y tin otro melding cu si tin peliger di expansion of den caso di refuerso of un cas
na candela e momento ey of un accidente, brandweer ta bay laga e candela si no tin peliger, pa
atende cu e otro caso di biaha.
Ta evalua cada candela cu bay. Si ta necesario pa page e momento ey of si no tin otro melding
pareu cu esey, nan ta keda page. Sino e tin cu bay e otro melding, Ponson a splica.