Page 1 - AM201201

December 1, 2020
www.awemainta.com
www.facebook.com/awemainta
noticia@awemainta.com
583-1400

TRUCK A BOLTER DESPUES DI UN IMPACTO

DIALUNA mainta den careda di 11’or, informacion
a drenta di un accidente serio riba e crusada conoci
Emmastraat cu Prof. Lorentzstraat. Un impacto
hopi duro, unda cu un truck di ATCO a bolter y

keda riba su dak.
E impacto tabata riba e crusada unda cu un Nissan
Fuga a dal hopi duro contra e truck causando cu e

ta bolter. Na yegada a pidi pa Brandweer, pensando
cu lo tin hende pega den auto, pero esey no tabata
e caso.

Ocupante di e truck cu t’e chauffeur a sali y tabata

sinta pafo di e auto, pero spanta y tambe cu posibel
golpi ora e vehiculo a bolter.

Loke a sosode: Chauffeur di e Nissan Fuga tabata
riba e caminda di Emmastraat y yegando e crusada
di Prof. Lorentzstraat e lo no a calcula kico e ta
bay haci y ta dal e parti patras di e truck di ATCO
poniendo e bolter.

E manehador di e truck lo a trata na maniobra,
pero riba e caminda eynan mucho bo no por haci.
Mesora despues di e impacto chauffeur di e Nissan

a baha y core bay cerca chauffeur di e truck pa
check si e ta ok.

Ambulance a yega y nan a bay unda chauffeur di
e truck tabata sinta y despues di a haci’e algun

pregunta a pone riba brancard y hibe den ambulance,
unda nan lo sali cu ne direccion Hospital.
Polisnan di Trafico a presenta pa haci nan

investigacion di loke a sosode.