Page 4 - solo

Pagina 4 Dialuna 27 Juni 2016

Conocidonan di husticia a core pa
Polis pero a keda deteni

Diadomingo atardi den
area di Barcadera polis
a topa cu un Vitz shinishi
glas getint cu cuatro
persona aden. Polisa
a duna nan señal pa
para pero e chauffeur a
nenga. Di biaha a start
un persecucion ya cu e
chauffeur a keda hisa
su velocidad. Varios
unidad policial tambe a
yega cerca pa duna un
man pero ningun rato e
chauffeur kier a para.

A core caminda di Sabana
Blanco y vecindario
caminda e persecucion a
caba te na Seroe Blanco.
Total di 4 persona a keda
deteni: tres hende homber
y un hoben femenino. E
dos cabayeronan ta: Kilate
Diaz y Ruby Alfi, conoci pa
husticia. Recien nan a sali
fort di prison, debi cu nan
tabata deteni relaciona cu
caso di arma di candela.
Den e cas di Kilate Diaz na
Seroe Janchi a haya bala
cayente y nan a keda un
paar di dia deteni y a sali
bek. E conocido Ruby Alfi,
cu tambe ta sospechoso
relaciona cu caso di arma,
a keda deteni y a sali bek.
Den e siman aki nan a
menaza di los bala den
e bario di Monserat. Ta
conoci cu Killate y Ruby
ta menaza hende cu arma
di candela y hasta a saca
arma pa un persona. Awor
nan tin cu duna cuenta na
autoridad.