Page 1 - AM201105

November 5, 2020
www.awemainta.com
www.facebook.com/awemainta
noticia@awemainta.com
583-1400

ALUMNO A INSULTA POLIS Y DESPUES

BRINGA CU E AGENTE, A WORDO DETENI

DIARANZON merdia den careda di 2:30, tabatin
un incidente cu si ta bon mester a termina den un
swual a bay completamente robes. Un agente di e
Unidad Motorisa a wordo insulta dor di un alumno.
Esaki tabata na momento cu e mucha homber tabata
subiendo bus.
E agente mas pazuid a para e bus p’asina e subi y
muy probablemente mira kico t’e hoben su problema.
Pero, e agente no por a pensa cu un mucha di scol lo
bay reacciona di un manera onbeschoft.
Mirando cu e mucha homber lo no kier a rasona cu
Polis a bay over na bahe di e bus, unda cu e bus a sigui
su caminda, pero e hoben si a keda atras.
P’e hoben e cos no a caba, pero manera nada y sin
ningun escrupulo a sigui insulta e agente.
Diripiente pelea a start, ken a cuminsa no ta mucho
cla, pero mokete tabata bay y mokete tabata bin.
Polis a logra sa di domina e hoben y pone ren boei y
mesora a pidi transportwagen debi cu el a keda deteni
mesora. Na yegada di transportwagen a hiba e mucha
homber pa Warda di Polis na Shaba, unda si ta bon e
lo mester wordo presenta dilanti un Sub Fiscal.

Kico por a conduci cu e alumno a insulta e agente
na prome instante no ta conoci pa nos. Pero manera
Alto Comisario Vanessa Tjon Kock a declara
recientemente esnan cu no tin respet pa Polis, tin di
carga cu e consecuencia.