Page 16 - Tamainupō E
P. 16
Ā kāti, ka whai a Kōkako me tana iwi i a Tamainupō ki te kāinga o Māhanga pātata atu ki Kāniwhaniwha. He hui nui whakaharahara. Ēnei rangatira mana nui e rua, he hoariri mai rā anō, kua hohou te rongo i runga i te whānautanga mai o tā rāua mokopuna. Hei tatau pounamu, i whakawehea e Māhanga ōna whenua ki āna tamāhine: ko ngā whenua kei te raki i riro i a Tūkotuku rāua ko Tamainupō, ka mutu, ko ērā kei te tonga ki a Waitawake rāua ko tana makau.
Ka huri ngā tau, ka taka te wā, ka mano tini te tupu a ngā uri a Tamainupō ki ā rātou ake takahanga: ngā pūrākau mō ngā rangatira o ō rātou wā; ngā kōrero tinihanga, ngā kōrero whakangārahu; ngā kōrero mō te muru hara me te hohou i te rongo...
engari, taihoa ake rā ērā kōrero.
