Page 5 - DIGICEL AUG 2

AWEMainta Diaranson, 13 Julii 2016 15

SETAR cu encuesta online pa midi
satisfaccion di cliente

ENTRANTE diamars, dia 2 di augustus 2016, SETAR lo cuminsa cu un encuesta online

como metodo di sondeo di e satisfaccion di su clientenan.

Den e prome fase, clientenan postpaid cu tin un e-mail adres registra na SETAR, tin e posi-
bilidad di ricibi un e-mail den cual por bay na un link p’asina yena e encuesta.
E motibo cu SETAR ta bay haci un encuesta general online entre su clientenan, ta pa haya
sa kico ta e opinion y deseonan di e clientenan pa por sigui brinda nan e miho servicio y
productonan posibel.

SETAR como un compania netamente Arubano, kier compronde e factornan cu ta fortalece
e relacion cu su clientenan. Otro meta cu SETAR kier logra ta haya sa loke clientenan ta
spera di e compania y tambe si nan ta recomenda SETAR.
E encuesta di SETAR lo no inclui preguntanan personal, sino unicamente pregun-
tanan tocante e servicio di SETAR.

Iliandra Figaroa di e departamento di Customer Interfaces Support di SETAR,
kende ta encarga cu e proyecto aki, ta bisa: “Pa SETAR ta importante pa haya
‘feedback’ di e clientenan.
P’esey ta pidi y encurasha tur cliente cu ricibi e encuesta pa yena esaki y participa.”

Controlnan riba “seadoo”
y otro navegacion en
conexion cu traficacion

WILLEMSTAD – Diadomingo, den oranan di anochi,

unidadnan di e Team di Mantencion di Ordo Publico a tene
control riba Caracasbaaiweg na altura di Kaya Damascus.

A controla un cantidad di vehiculo y tambe “seadoo” y otro
navegacion cu tabata trafica rib’e caminda en cuestion.
Mas despues a controla ocho “seadoo” na entrada
di haf di piscado.
No a constata ningun iregularidad. E controlnan
aki ta continua.