Page 3 - MIN TTC

14 AWEMainta Diasabra, 24 September 2016

Marlon Sneek di fraccion di AVP

Lider di MEP nunca a practica ‘ter inzage’ pero si ‘ter eigen zak’

DESPUES di tres dia cu a pone documentonan di e

acuerdo di e refineria di San Nicolas pa miembronan
di Parlamento mira, studia y analisa p’asina nan por
haci pregunta durante reunion publico proximamente,
ainda e lider di MEP, Evelyn Wever Croes no a presenta
pa sikiera tuma bista di e documentonan, segun miem-
bro di fraccion di AVP, sr. Marlon Sneek.
“Aki por mira e falta di seriedad di e lider di MEP, un
sembrado di panico, di angustia y di negativismo den
pueblo, hungando su weganan pa trata di gana atencion
di tur hende.

Ya caba e lider di MEP a bishita Gobernador, a manda
carta Hulanda pa su amigo Bosman, a dirigi carta na tur
caminda cu e por a pensa, pero pa yega sala di biblioteca
di Parlamento pa cumpli cu su trabou como miembro di
Parlamento, Evelyn ta luci pa su falta di interes.
E ta grita y protesta tur caminda, e mesun tactica cu
el a bin ta uza desde cu el a bira lider di partido MEP,
sin ningun vision, sin ningun tipo di solucion y kisas
e por bin biblioteca y trata di busca e documentonan
di e negociacion cu su primo Glenbert Croes a realisa
cu PDVSA na Venezuela, ya cu e documentonan ey sin
duda no ta den e cantidad di documentonan cu a wordo
presenta pa Gobierno.

Ya caba pueblo a custumbra cu e gritonan di Evelyn
y tur hende por corda con den Parlamento el a bisa
cu portanan cu ta habri pa su persona, no ta habri pa
Evelyn y awor cu e porta di e refineria ta wordo habri
atrobe, e kier p’esaki keda na candal y no habri pasobra
e no ta haya su kier.

Den algun cos Evelyn tin rason sigur ora cu e bisa cu
“keremi, mi sa di kico mi ta papia pasobra mi a traha cu
varios compania cu a yega di traha den pasado den e
refineria,” lubidando di agrega aki, cu e documentonan
ey cu su persona a procesa, nunca pueblo a haya pa mira
ya cu e ora pueblo lo a haya sa con el a traha na interes
di companianan di afo, contra interes di su propio pais.

No ta dificil pa compronde e iritacion di lider di MEP,
ya cu nunca en realidad su partido a yega di conoce
un proceso asina transparente, asina habri caminda
Gobierno a duna na tur momento, tur informacion cu
a pidi di nan.
Hecho ta cu su persona nunca tabatin interes pa bin
scucha kico ta pasando y con cosnan tabata bayendo
y awor diripiente el a lanta for di soño y kier pretende
cu e ta trahando.

E tipo di desaroyonan aki nunca lo cay na agrado di e
lider di MEP, kende nunca a pone documentonan di un
compania manera Irus Crius ter inzage, ya cu realmente
e unico sistema cu e conoce berdaderamente ta di ter
eigen zak,” Parlamentario Melvin Sneek ta mustra.