Page 6 - MIN SOC

Hubert Dirksz di FTA: Cu tin solucion pa ex Aura Casino ta leu di ta
berdad
Thursday, 28 July 2016 20:42

Comparti

Hubert Dirksz ta presidente di FTA. Durante entrevista el a splica cu nan tabata tin combersacion cu e
abogado di e compania nobo cu lo tuma e Aura Casino over. E relacion cu tin cu e interesado pa habri e
casino na Occidental Hotel, ex Aura Casino, tey.

Tabata tin combersacion y den e ultimo combersacion cu e abogado a bin na un entendimento cu e
compania lo combersa cu e trahadonan individualmente. FTA a wordo informa cu e compania ta bisa cu
nan no tin ningun relacion of obligacion cu e trahadornan pa cumpli cu ningun derecho di e trahadonan.
Cu nan ta drenta automaticamente den e compania nobo, ni nan derechonan, beneficionan cu nan tin
segun CAO y salario. A tende cu nan lo tuma 25 trahador. Pero awor aki a bin compronde cu por ta berdad
ta keda na 25, pasobra no tin e informacion eynan mas concreto, pero cu no tin ningun debe habri. Nan
no ta reconoce e debe cu tin di e trahadonan, kendenan tin 8 luna sin cobra. Ora cu a papia cu tin un
solucion, e ta papia leu di ta berdad. No tin solucion ainda. Lo bay reuni cu e trahadonan. E empleadonan
mayoria ta para duro. Kizas mester bay corte pa wak kico nan lo bay bisa. Ta kere cu mester tuma un
decision kende ta keda, kende ta forma parti di e 25 trahadonan cu tin cu keda traha y kende ta esnan cu
tin cu bay. Basa riba loke ta wordo papia por tin un bista ken nan debe. E trahadornan cu ta bay ta
pidiendo e lunanan di salario y otronan cu ta keda kier sa kico nan lo cobra y bao di ki condicion nan lo
keda traha y si FTA ta nan representante. Di parti di compania nan no tin problema cu e sindicato, pero
nan ta considera cu legalmente nan no tin ningun obligacion, segun Hubert Dirksz.