Page 41 - MIN PAUL CROES FEB 3,2015

El a djis entama e caso pa rectifica.
Segun Ruiz, den pasado caba den casonan similar, corte lo a dicta cu un politico no mester uza corte pa
purba aclarea su nomber y cu e lo por a hasi esaki den prensa.
E abogado a sigui bisa cu den e publicacion di Solo di Pueblo tin para cu tin un fiesta di vergunning na
oficina di Paul Croes y cu e ta firma pa hendenan di afo haya trabao, siendo cu na Aruba tin miles di
hende cu ta buscando trabao.
El a splica cu e Minister tabata firma pa permiso, sin check prome atravez di DPL, si tin Arubiano mes cu
por hasi e trabao.
Ruiz a trece dilanti cu locual a wordo skirbi den Solo no ta algo cu mester pidi rectificacion riba dje,
pasobra entre otro di e palabra “aparentemente”.
Den e articulo tin skirbi cu ‘aparentemente’ Paul Croes lo ta ricibi placa bao di mesa atravez di su
secretaria.
Tambe tin para cu e lo ta ricibi 1.500 florin pa cada un cu e firma y eynan ta unda cu abogado Wever
representando e minister a bisa cu Solo ta hasi como di fuera nan tin prueba concreto cu e minister lo a
ricibi pagonan bao di mesa, pero esey no ta berdad.
E minister ta haya cu asina ta daña su bon nomber como persona y su bon reputacion como minister.
Ruiz di otro banda a sigui cuestiona e forma di proceder di e mandatario dunando algun ehempel mas.
El a splica cu e minister te hasta a firma un ontheffing pa un persona haya trabao, cu a wordo hasi
atravez di un bar restaurant cu tabata tin mas di 1 aña cera ora cu e peticion a wordo hasi.
Asina mes e minister a aproba pa e persona stranhero aki haya trabao.
Ruiz a cuestiona tambe e hecho cu DPL aparentemente lo a duna conseho negativo na Croes pa duna
cierto hendenan di cierto compania di aviacion permiso di trabao y asina mes el a firma esakinan.
Abogado Michelle Wever di otro banda a splica huez cu locual Ruiz a trece dilanti ta eroneo.
Segun Wever, ora e Minister firma e asina yama ontheffing, ainda esaki tin cu bay DPL pa aprobacion.
E simpel hecho cu minister a firma pa e ontheffing, no kiermen automaticamente cu e persona ta haya
permiso pa trabao.
Ainda e papelnan tin cu bay DPL y si nan aproba esaki, e ora ey e documentonan ta bay DIMAS pa wordo
aproba.
Huez a hasi pregunta tocante esaki tambe y Wever a splica cu por sosode cu DPL no ta duna su
aprobacion y ora ey e papelnan ta bay bek cerca e Minster kende tin cu re-evalua tur cos.
Wever a splica si cu despues di December 2014 e proceso a cambia.
Awor ta ora cu tur cos wordo aproba pa DPL, e documentonan ta bay pa e Minister pa e aprobacion
final.
Wever a sigui bisa tambe cu locual a Sali den e corant di Santa Cruz no a cuestiona, sino e corant a hasi
como si fuera e Minister ta corupto y cu nan tin e pruebanan di esaki.
Pesey e Minister a pidi rectificacion.
Wever a splica tambe cu tin cierto trabaonan specializa pa cual ta hasi excepcion, mirando cu na Aruba
por ta dificil pa haya e experto riba e tereno.
Pa loke ta e hecho cu quizas DPL lo no a hasi su control debidamente den cierto caso, Wever a indica cu
DPL tin falta di personal y tur dia tin un cantidad grandi di peticion cu e tin cu atende cune.
Quizas door di esaki tin algun cos por a bay robez, pero Wever a indica cu e mandatario ta insisti cu no
tin nada di corupcion y cu e publicacion ta daña bon nomber di dje y di su oficina di Minister.
Na final huez a bisa cu e ta duna su veredicto riba 16 di Maart.

http://www.diario.aw/2015/03/abogado-di-solo-di-pueblo-ta-cuestiona-maneho-di-minister-paul-
croes/