Page 3 - MIN TTC 16 JUNE 2016

Aruba birando destinacion hopi popular riba
mercado Britanico

on: June 16, 2016In: LocalNo Comments
Print Email

Aruba ta bolbe haci impacto fuerte riba mercado vacacional na Inglatera. E agencia di biahe Britanico ‘Holiday
Hypermarket’ ta mira un crecemento grandi di popularidad pa Aruba como destinacion.
Pa e aña aki nan ta raporta un aumento di bentanan di 71 porciento cual ta hopi mas cu otro destinacionnan cu
nan ta ofreciendo actualmente. Es mas, incluyendo vuelonan bayendo for di Manchester Airport na e vuelonan
saliendo for di Gatwick por mira un aumento di pasaheronan biahando pa Aruba di 107 porciento.
Segun declaracion di Ian Crawford, representante di Holiday Hypermarket, no ta usual pa mira destinacionnan
crece den popularidad asina lihe, “pero Aruba sigur ta up and coming.” Crawford ta bisa cu Aruba su
infrastructura hotelero ta ‘simplemente fantastico’. “Tabatin hopi inversion cu a wordo haci eynan durante
ultimo añanan. Hotelnan y resorts nobo a habri y e demanda pa restaurant, bar y bida nocturno a crece pa via di
esey. Tin actividad pa tur hende y definitivamente nos a mira un aumento di famianan – mas cu cualkier otro
grupo – bayendo pa Aruba.”
Holiday Hypermarket ta nota cu na momento aki tin varios hotelnan na Aruba cu a mira crecemento
espectacular di bishitantenan for di Inglatera. Turismo procedente for di Inglatera den su totalidad a mira un