Page 6 - MIN TTC 16 JUNE 2016

nos socionan fiel cu aña aden aña afo ta respalda nos. Durante e conferencia aki, cu ta dedica na Europa, Aruba
ta haya e oportunidad unico di por laga nos socionan experencia y siña mas di producto Aruba”.

‘MILLENIALS’ Y MERCADO EUROPEO
Turistanan Europeo ta un mercado importante y stabil pa Aruba cu ta varia entre un 8 y 9 porciento di
‘marketshare’ di nos turismo. Durante e conferencia aki, hopi atencion a wordo brinda na diversificacion y
intensificacion di e mercado Europeo na unda atencion special a bay na e mercado di personanan entre
edadnan di 18-34, categorisa como ‘Millenials’. Sr. Martijn Lamperts di e compania di research mundialmente
renombra Glocalities a duna un presentacion specifico riba e potencial cu e mercado di Millenials Europeo
afluente tin pa nos isla. Ademas Sr. Lamperts a enfatisa riba nan comportacion, exigencia y con pa atrae e
segmento aki cu nos oferta turistico. Por lo general un bishitante Europeo ta pasa un averahe di 11 dia riba nos
isla, cu ta dunanan oportunidad di explora y disfruta mas di nos Aruba.

EXPANSION DI MERCADO EUROPEO
Conferencianan manera AME ta yuda na desaroya y fortifica aliansanan strategico, entro otro partnernan
hotelero y aereo internacional. Den liña cu esaki, KLM a aumenta frecuencia di buelonan cu capacidad
adicional pa Aruba procedente di Hulanda durante e lunanan aki. Tambe a conoce buelonan adicional
procedente di Inglatera, un mercado cu potencial. “Ta un grato placer di por confirma cu pa aña 2017 tambe
nos a sigura e buelonan adicional aki desde Inglatera cu lo trece mas bishitante pa nos isla. Adicionalmente nos
ta den combersacion cu diferente otro socionan potencial y ta spera cu esakinan lo por ta cristalisando pronto
den mas capacidad aereo y asina ampliacion di e base Europeo, consecuentemente diversificando y
fortificando nos turismo”, CEO di A.T.A. ta declara.
Mientrastanto A.T.A. ta keda enfoca riba e diversificacion di otro mercadonan internacional y tambe na
mehoracion di nos producto turistico. Aruba Tourism Authority ta boga pa mantene y solidifica relacionnan
productivo cu partnernan strategico riba nivel mundial, acambio di un oferta di un destinacion di nivel y
calidad. Cu diferente plannan di desaroyo y estudionan den efecto, Aruba continuamente ta sigui expande su
horizonte den buskeda di oportunidad- y mercadonan nobo riba nivel mundial. Esaki ta esencial pa por sigui
atrae un fluho stabil y calidad consistente di turismo, nos pilar economico.