Page 19 - ATA

Gerald Vingal di Imigracion: Un hende no por tin 90 dia di
vakantie

Monday, 19 September 2016 21:26
Comparti

Gerald Vingal no por bay bisa mucho cos di nos frontera. Tin hopi dollar falso tabata wordo intercepta y
awor aki nan no ta intercepta nan mas. Esey no ta nifica cu nan no ta bin cu dollar falso mas, pero nan tin
un otro caminda cu no por intercepte.

Por ehempel nan no por bay ristra e hendenan aki. Tin entendi cu tin dollar falso den pais y si nan
scondi'e nan no por control'e na frontera y intercepta nan y kita nan for di e hendenan aki.

Te ainda ta 150$ pa pasa un anochi na Aruba, segun Vingal. Un otro cos cu ta biba eyfo, cu si bin cu un
papel di garantia, automaticamente ta haya 90 dia absolutamente cu no. Actualmente ta duna te
maximo 30 dia manera ley ta perscribi. Esun cu kier keda mas largo, tin cu bay Dimas pa haya un
extension turistico.

E ley ta bisa cu por haya maximo 90 dia of maximo 180 dia, pero esey no ta nifica cu bo tin derecho riba
90 dia. E ta 90 dia per kalender jaar, pa nacionalidad no Mericano, ni Hulandes. Pa Latinonan e 180 dia
ta conta, pa hendenan cu tin bienes, cas of timeshare, of un yate di 14 meter largo, nan por haya 180
dia per kalenderjaar. Pero no ta gewoon pasobra bo ta kere cu bo ta haya automaticamente bo tin
derecho. A yega di nenga hende, por ehempel si e persona ta jong y a bin durante e kalenderjaar 60 dia
y si bin un biaha mas pa 30 dia, ta puntra si tin trabao. Ningun dunado di trabao ta duna tanto dia di
aña vakantie y ora sigui puntra y no ta contento cu contesta, ta haya si e persona ta bin pa turismo. 90
dia no kier desgaba, por wak'e den tur skina. Si pasa 60 dia caba y ora cu bon pa di 3 biaha y puntra un
persona pa menciona cierto luganan turistico y nan no por menciona, e ora ta saca e conclusion cu e
meta no ta turismo. Den 60 dia caba, ni asina ta bin como turismo. Esaki ta un ehempel, pero tin hopi
mas tactica cu ta uza pa saca afo kico ta un motibo pa kico ta bin Aruba. Esaki ta un wega di pushi cu
raton. Cada biaha tin cu cambia e tactica y si haya sa kico e ta, nan ta bay cambia nan tactica, segun
Vingal. Tin di nan ta sinti cu nan ta bin traha. Te con leu cu por intercepta nan.

Un otro ehempel ta, si un Venezolano bin na frontera, riba e papel e ta bisa cu e ta un abogado. Ora
mira su mannan, nan ta full sushi na grease. E sospecho ta cu e persona ta traha como mecanico. E
trahado di imigracion ta busca e supervisor. E ta bay apart den e oficina di second stage, ta keda
entrevist'e pa saca afo pa wak kico ta kico y ta yega un punto nan ta bisa cu nan ta bin pa traha y dado
momento ta nenga nan entrada.