Page 5 - AWEMAINTA
P. 5
AWEMainta Diabierna, 29 Juli 2016 5
Mitsubishi Lancer mancha DIAHUEBS mainta, melding ta drenta na
cu sanger haya den area
di Mangel Halto Central di Polis tocante un Mitsubishi Lancer
blanco A-65776 a wordo haya tur na sanger
na Mangel Halto.
Polis a presenta n’e sitio y topa cu e Lancer
mancha cu sanger y un bloki poni riba bahul di
e auto. Un ciudadano cu tabata den cercania
a mira esaki y a bati alarma inmediatamente.
Departamento Tecnico Forensico a presenta
pa cuminsa cu investigacion rib’e Lancer,
mientras Recherche a acomula informacion
di habitantenan cu a conta di un posibel
pelea cu a tuma luga den oranan di marduga.
No a haya nada den e bahul cu tabatin e bloki
riba dj’e. Polis a confisca e auto y transporta
esaki pa Warda di Polis.
Mas despues, un otro melding ta drenta
tocante tres hende homber buscando algo
den e mesun area unda e auto tabata para.
Polis y Recherche a bolbe bay n’e sitio y
atende cu e hobennan aki y hiba nan Warda
pa saca afo kico por a sosode cu e Lancer.
