Page 4 - MIN SOC 8 JULY 2016

E WALK OUT

Manera NoticiaCla.com a raporta diahuebs merdia, trahadonan di WEB a tene
un walk out e mainta ey cu a pone cu parti di e operacion a wordo afecta. Entre
nan WEB a informa cu e cahanan y loketnan di WEB Aruba na Balashi ta cera te
proximo aviso. Asina e compania di awa y energia ta informa pa medio di un
comunicado. E grupo di empleado cu a walk out no ta di acuerdo cu un decision
di gerencia pa no yena algun vacatura cu tin den nan departamento.

MAS DI E WALK OUT

E walk out di e empleadonan di Customer Service di WEB tabata pa hunto cu
sindicato SIWA nan expresa nan protesta contra e decision di gerencia pa no
yena vacaturanan na e departamento. Gerencia di WEB a tuma e decision aki,
pendiente un evaluacion pa logra mas eficiencia den futuro. E trabou ta wordo
haci pa contratistanan.

PAGA VIA OFICINA DI GOBIERNO OF BANCO

A pidi clientenan di WEB pa haci nan pago di cuenta di awa na oficinanan di
gobierno, via banco of na oficinanan di ELMAR. "WEB ta compronde e
inconveniencia pa clientenan. P’esey lo pospone e ultimo fecha di pago di e
cuenta di awa di mei, di 8 pa 13 di juli. Ta premira cu lo bira hopi druk na e
loketnan di ELMAR, pa motibo cu e fechanan di ultimo dia di pago lo coincidi cu
esun di ELMAR. WEB ta pidi disculpa pa e inconveniencia" tabata e mensahe di
e compania.

DISCULPA DI WEB

Ademas a bin e disculpa general. " Gerencia di WEB ta pidi su sincero disculpa
na clientenan pa e inconveniencia. Ta haci tur esfuerso pa normalisa e servicio
na clientenan mas pronto posibel" e compania a finalisa bisando diahuebs.