Page 4 - AHATA

Aruba Tourism Authority cu encuesta tocante felicidad y
turismo
Monday, 25 July 2016 12:37

Comparti

Oficina di Turismo ta informa comunidad di Aruba cu durante luna di juli y augustus den colaboracion cu
University of Central Florida, un encuesta lo wordo conduci den diferente bario na Aruba.

E motibo pa cu e encuesta aki ta pa midi e Happiness Index di e residentenan di nos isla. E informacion
aki lo ser captura pa medio di un investigacion cu enfoke riba e calidad di bida di nos poblacion, e ‘Quality
of Life’. E enfoke ta bay ta dirigi riba e impacto cu e industria di turismo tin riba e bida diario di nos
residentenan pero tambe con ta percibi e impacto cu e industria aki tin riba nos medio ambiente. E
informacion aki ta sumamente importante pa asina duna un miho bista di e impacto cu e industria
turistico por tin riba nos comunidad. Aruba Tourism Authority ta kere firmamente den e importancia cu e
pueblo di Aruba tin como parti di nos industria turistico. A.T.A. ta pidi nos comunidad encarecidamente
pa su cooperacion ora cu esnan cu ta conduci e encuesta ta toca na bo porta. Lo aprecia si nos
representante por yena e encuesta aki lo mas detaya posibel hunto cu bo persona. E encuesta aki lo dura
aproximadamente 15 minuut pa yena y ta uno anonimo.

E encuestadornan cu ta encarga cu e bishitanan ta experencia di conduci encuesta. Nan lo identifica nan
mes debidamente y ta forma parti di ekipo di encuestadornan cu ya sa haci esaki caba. Aruba Tourism
Authority ta conta riba e cooperacion di tur esnan cu lo participa na e proyecto aki. E proyecto aki no ta
algo nobo: 5 aña pasa algo similar a yega di wordo conduci y e iniciativa aki ta pa compronde e relacion
entre nos comunidad local y e impacto cu turismo por tin riba nos. A.T.A. hunto cu su socionan ta gradici
tur esnan cu lo participa, pa e bon cooperacion ricibi durante e encuesta. Si tin cualkier pregunta tocante e
proyecto aki, por tuma contacto cu e departmento di encuesta na oficina di turismo (SPR Department) na
telefoon 582-3777.