Page 11 - AHATA

acuerdonan unamime di parti di tur e 7 miembronan, incluyendo e 3nan di AHATA, den notulennan cu tabata
tin y hasta den presupuestonan anual cu a wordo aproba door di nan. A manda tur e documentonan aki pa
AHATA y e ta contento cu despues cu nan a ricibi esakinan, nan a haya un claridad. Por ta internamente no a
comunica cu otro cu nan miembronan tabata tuma den ATA su board. Despues di e documentonan aki por a
mira cu den comunicado lo bay nomina e seis candidatonan cual e minister ta spera cu esey lo tuma luga mas
pronto posibel pa por nombra e tres miembronan.
Turismo ta nos pilar economico y e discusion cu tin pa loke ta trata all inclusive no mag di mescla den e interes
general di pais Aruba pa loke ta trata instituto di oficina di turismo di Aruba. E minister ta contento awor aki
cu a bira mas rasonabel of at least a manda of a publica cu lo manda e nombernan aki y di un otro banda
naturalmente e discusion riba All Inclusive atrobe ta keda un discusion caminda cu cierto miembronan,
pasobra no ta tur miembro, cu a manda carta y den parlamento e minister lo habri esakinan, cu a sostene e ley
aki. No ta manera cu AHATA cu tur su miembronan ta di acuerdo, sino ta un grupo di miembro e minister a
splica.