Page 76 - MIN SOC, JUNE 21 2016

Hernandez a yega di trata varios caso, pero e biaha aki el a mira cu e hues tabata basta fel, bisando cu e
minister a tuma un decision descabeya, sin consulta cu ley, ni cu regla. Gewoon haci cos riba su mes.
Como hurista bo ta keda asombra con gobernantenan por tuma decisionnan asina.

CGA Avanse cu seminario dor di orador internacional

Monday, 20 June 2016 18:34
Comparti

Club Gymnastico Arubano AVANSE (CGA Avanse) ta organisa un seminario pa mayornan di atletanan di
alto-rendimento.
E seminario ta tuma lugar diabierna dia 24 juni 2016, 5:30pm pa 7:00pm na e sala di conferencia na
Garage Cordia Aruba na Camacuri. E tema cu lo wordo trata riba e dia aki ta “deliberate practice”; e
importancia di structura den entrenamento y e involvimento di mayornan. E seminario ta wordo duna
dor di sr. José Manuel Súcart kende ta recidente di Puerto Rico.
José Manuel Súcart ta e coach nacional di e team di gymnasia na Puerto Rico y e ta miembro di e
comision tecnico di entrenadornan di e team nacional di Puerto Rico. E la guia e team na e prome
weganan olympico juvenil 2010 na Singapore. Tambe e tabata asistent coach na e XXI weganan Centro
Americano y di Caribe. Actualmente sr. Súcart ta reconoci como un juez internacional pa e federacion
internacional di gymnasia, FIG.
Desde aña 2015 e gymnastanan di CGA Avanse ta competiendo internacionalmente. Durante e
competencia na Trinidad, e gymnastanan a sigui un seminario di UPAG duna pa sr. Tom Koll, presidente
di e Comite Olympico Nacional Junior di Estados Unidos. E entrenadornan di e selecion di Puerto Rico,
sra. Yazaira Cabrera-Davila y sra. José Manuel Súcart tambe a fungi como coach na e seminario aki y
alavez a fungi como juez na e “10th Olympia Caribbean Classic Championship”. CGA Avanse a invita
ambos jues y entrenador pa duna un clinica y seminario pa e entrenadornan di CGA Avanse y e
gymnastanan. Cu e clinica aki CGA Avanse ta spera di juda e gymnastanan eleva nan nivel tecnico y sigui
prepara e gymnastanan pa nan regreso na e competencia internacional na Panama na september
proximo.
E seminario cu CGA Avanse ta organisa ta pa tur mayor cu tin jiunan hoben den deporte di alto-
renimento pues e invitacion ta bai na tur federacion y nan entrenadornan pa asisti na e seminario aki
cual ta tuma lugar diabierna dia 24 juni 2016, 5:30pm pa 7:00pm na e sala di conferencia na Garage
Cordia Aruba na Camacuri.
CGA Avanse ta e prome club di turnen di Aruba estableci na 1984. Na 2014 a celebra su di 30 aniversario.