Page 8 - ATA 15 APRIL 2016

ATA Asientonan adicional di KLM ta duna e mercado di
Europa oportunidad pa crece

Thursday, 14 April 2016 21:52
Comparti

Manera ya ta conoci, entre dia 8 di juli cu 4 di september 2016, e compania Hulandes di
aviacion KLM lo inicia cu vuelonan extra pa Aruba. A.T.A. continuamente ta den contacto cu
KLM y otro socionan pa sea cambionan strategico y/of pa vuelonan adicional pa nos
destinacion. Debi na e demanda halto specialmente entre e temporada juli- september, e aña
aki a logra incrementa vuelonan pa Aruba.

Pa 2016 KLM tawatin originalmente un total di 61.105 asientonan programa, comparti entre
Aruba y Boneiro di cual rond di 60% (36,663 asiento) ta wordo uza pa esnan cu ta pasa nan
estadia na Aruba, versus otronan cu ta baha na Boneiro. Cu e aumento total pa e aña aki, e ruta
di Aruba y Boneiro ta conta cu un total di 70.463 asiento, di cual rond di 42.278 asiento (60%)
tin Aruba como e destinacion final pa pasa nan vacacion/estadia. Esaki ta un aumento di 15%
(5.615 asiento adicional) pa Aruba.

E mercado Europeo tin potencial fuerte pa crece y e capacidad extra aki ta yuda A.T.A. yega na
e ‘arrivals targets’ pa Europa pa 2016. Actualmente mercadonan principal di Europa pa Aruba
ta Hulanda/Reinonan Uni/Alemania/Italia y Scandinavia. Esfuersonan di mercadeo di parti di
KLM como tambe e ultimo acontecimiento importante di turismo ITB na Alemania, a mustra e
importancia di aumenta e capacidad di asiento pa nos destinacion. Durante 2015, Aruba a
ricibi un total di 80.590 bishitantenan for di Europa, cu ta 6.6% di e total di turismo pa nos
isla.

E esfuersonan aki entre A.T.A., AAA y Ministerio di Turismo cu KLM ta trece cu ne, cu fuera di
Hulanda, tin oportunidad pa por crece mas den e otro mercadonan di Europa. A.T.A. ta
trahando cu un ekipo di KLM como tambe cu Tour Operators pa asina yena e capacidad
adicional. Pa loke ta Alemania y Italia lo traha mas estrecho cu Tour Operators ya cu den e
mercadonan aki e Agencia di Viahe ta hunga un papel importante ora ta trata di compra di
biahenan largo manera pa Aruba.

KLM lo bula parcialmente cu avionnan mas grandi manera airbus A330-300. E vuelonan extra
lo sali riba diadomingo, cual ta sigura cu Aruba ta conecta cu Europa durante full weekend.
Ademas di esaki, diadomingo en general ta un dia prefencial pa e biaheronan.

http://www.24ora.com/politica-mainmenu-18/107602-ata-asientonan-adicional-di-klm-ta-duna-e-
mercado-di-europa-oportunidad-pa-crece