Page 10 - HOH 25 MAY 2016

AWEMainta Diaranson, 25 Mei 2016 5

Drs. Mervin Wyatt-Ras:

Na un forma
transparente
Parlamento a
reuni cu Minister
Schwengle tocante
Manifesto di Salud

Dialuna mainta Parlamento di Aruba a reuni

cu Minister dr. Alex Schwengle tocante e Manifesto
di Salud.
Despues cu e Manifesto a keda entrega na Parlamento
dia 21 di april, Parlamento den Comision di Salud
a reuni cu varios stakeholders riba tereno di salud,
entre nan, Hospital, Imsan, AZV, dokternan di cas,
specialistanan medico y dokternan cu ta traha cu
Hospital.
Igual cu a haci cu tur stakeholders, Wyatt-Ras como
Presidente di Comision di Salud, den presencia di
Minister, a pidi pa haya contesta riba tur e puntonan
di e Manifesto.

Tur otro colega cu a desea di haci pregunta a haya
oportunidad p’esaki. E balor di un bijeenkomst ta
cu na un forma neutral Parlamentarionan por haci
pregunta na Gobierno y cuestiona Gobierno sin
cu e ta den un tinte politico en bista di e caracter
informativo di un Bijeenkomst.
E reunion, segun Wyatt-Ras tabata hopi fructifero
unda e Minister a tuma su tempo pa contesta
Parlamento riba e preguntanan.

A cuestiona e referencia y cooperacion entre
Eerste Lijn y Tweede Lijn, a cuestiona e forma
di atende cu remedi, tardansa pa haya cita cu
specialista, tardamento den tuma paptest, cantidad
di paciëntenan creciente cu enbez di bay dokter di
cas ta acudi na Spoed Eisende Hulp.
Minister Schwengle a indica di ta poniendo orde
op zaken y tin diferente combersacion andando pa
mehora cooperacion y calidad.

Vision di Gobierno ta pa fortifica cuido medico
di Eerste Lijn pa evita consumptie riba nivel di
specialista cu ta costando Aruba.
Banda di derecho paciënte tin deber tambe pa cuida
su curpa dor di hiba un estilo di bida mas saludable.
Minister Schwengle ta trahando riba e institucion
di e Inspeccion di Salud y segun e lo keda cla na aña
2017.

Igual cu implementacion di BIG cu lo ta na comienso
di 2017. E siman aki lo sigui cu cu un combersacion
mas pa caba di haya informacion.