Page 11 - awem

AWEMainta Dialuna, 16 Mei 2016 11

Minister Mike de Meza y team negociador a logra
un acuerdo final cu CITGO

“E acuerdo aki ta tremendo
pa Aruba, specificamente
p’e habitantenan di San
Nicolas”

MINISTER Mike de Meza durante un declaracion cortico na prensa a cuminsa

na felicita pueblo di Aruba y su coleganan p’e acuerdo final cu a logra cu CITGO.
Tambe el a yama su team, encabesa pa mr. drs. Richard Arends un pa un danki
pa nan trabou duro. De Meza: “Awe, diabierna 13 di mei 2016 mi ta anuncia
cu oficialmente tin un acuerdo cu CITGO pa loke ta reapertura di e refineria na
San Nicolas. Pabien tur hende. Pabien n’e Arubianonan trahando den exterior
y cu kier bin bek nan pais.

Nan por cuminsa prepara, pasobra pronto e acuerdo
aki ta keda formalisa den ley. Nan por bin bek y yuda
den e desaroyo economico di Aruba”.Mike de Meza,
un habitante di San Nicolas a bisa di ta masha contento
cu e logro aki pa San Nicolas y e hendenan cu ta biba
eynan. “E acuerdo aki ta tremendo pa henter Aruba,
pero specificamente pa San Nicolas y su hendenan
humilde”. El a conta con ora mas di un aña y mey
pasa el a papia cu Prome Minister, Mike Eman riba e
posibilidad cu a presenta y cu mester cuminsa cana e
caminda aki.

“Esaki tabata despues cu nos a bay tur caminda rond
mundo pa busca un posibel operador p’e refineria. Na
september di 2014 nos a firma un Memorandum of
Understanding (MoU) pa despues bay den e periodo
di Head of Agreements, ora a caba cu esey nos a bay
cu e fase final di e acuerdo definitivo y esey ta unda
nos ta awe.” “Awor e documentonan ta wordo poni
pa formalisacion di henter e acuerdo aki y envolvi tur
esnan cu ta participe den e ceremonia di firmamento
y tambe defini unda e documento ta bay wordo firma.
Nos ta trahando caba riba e documentonan cu tin cu
bay Parlamento pa ahustenan den leynan existente.

Tambe nos ta bay crea dos compania. Uno estatal
cu ta yama Refineria di Aruba cu ta bira doño di tur
loke tin na Seroe Colorado San Nicolas y un otro
compania estatal cu ta bay opera e local marketing cu
t’e compania cu ta suministra y distribui gasolin, diesel,
fuel oil, jetfuel etc. P’e consumo local. E refineria for di
prome dia ta bay draai riba LNG, loke ta haci’e e prome
refineria berde den e hemisferio aki”.
Pa haya e gas, lo cuminsa cu construccion di un tubo
for di Paraguana, Estado Falcon, Venezuela te cu e
refineria, pa haya gas, no solamente p’e refineria, pero
tambe pa WEB Aruba N.V. cu tambe lo bay opera riba
gas.