Page 4 - AHATA 6 JULY 2016

Opinion Publico: Trata e Ley pa regula All Inclusive manera cu e ta ta
irresponsabel!
Wednesday, 06 July 2016 12:59

Comparti

Tin masha hopi discussion den communidad di Aruba pa loke ta trata e ley cu a wordo presenta pa
minister Otmar Oduber pa regula All Inclsusive.
E ta un proposicion di ley cu a crea hopi inkietud den comunidad y muy en especial den comercio y
sector hotelero. Tin hopi hende ta na fabor pa regula All Inclsuive pero tambe tin hopi hende cu ta contra.
Loke si ta un feit, ta cu manera cu e ley a wordo presenta, sin tin consensus di sindicatonan y gremionan
ta hopi iresponsabel pa trata e ley aki promer cu reces di parlamento.

Posicion di minister y gobierno

Minister Otmar Oduber hunto cu promer minister Mike Eman ta insisti cu e ley aki mester wordo trata
promer cu reces di parlamento cuminsa. Segun nan tin hopi urgencia pa trata e ley aki y nan ta bisa cu
nan gobierno no mester wak ningun estudio pasobra tin suficiente estudio cu a wordo haci cu ta prueba e
consecuencianan negativo cu All Inclusive tin pa un economia local.

Posicion Parlamento di Aruba

Parlamento di Aruba ta dividi riba e proposicion di ley aki. Di un banda fraccion di AVP ta para tras di
pensamento di gobierno y tambe tin hopi pura pa trata e ley aki. Di otro banda fraccionan di oposicion
MEP y Democracia Real a haci peticion na presidente di parlamento pa wanta un rato cu ley pendiente
un investigacion cu Banco Central Aruba ta haciendo referente e consecuencianan di all inclusive. Nan ta
pidi president di parlamento tambe pa haci un apelacion na gobierno pa entrega e rapport cu e compania
di accountant PWC tin tocante All Inclusive. Presidente di parlamento mes ta wordo poni bao di hopi
presion di parti ministernan Oduber, promer minister Eman y tambe fraccion di AVP pa yama e reunion.
Na e momentona aki e como presidente independiente no tin e obligacion di sigui ordo di ariba manera
tawata custumber.

Posicion gremionan

AHATA cu ta reprsenta e sector hotelero for di promer instante a bisa cu ta contra e manera cu e ley aki
wordo hinka den otro y ta contra e manera cu minister Oduber kier trata e ley aki. Nan posicion ta hopi
cla y e punto principal pa nan ta e hecho cu ley aki ta mete directamente den free enterprise y pa nan
esey ta algo fundamental. Nan a haci diferente intento pa convence minister Oduber cu esaki no ta e
mihor manera pero tur intento tabata envano.
Recientemente AHATA a manda un carta pa gobierno cu a wordo co firma pa Camara di Comercia y
tambe ATIA pidiendo gobierno pa pospone e tratamento pendiente investgacion di Banco Central Aruba.
Gran mayoria di hotelnan a duna gobiernon e garantia cu nan no ta bende nan hotel cu cadena all