Page 2 - AVB

AWEMainta Diasabra, 28 Mei 2016 27

Playoff 2016 na candela puro: Deporte ta ON

E guera di
titannan
lo continua
diadomingo awo
den Stadion
Guillermo
Prospero Trinidad

E ULTIMO weganan cu a tuma luga tabata encuentronan

candeloso caminda cu e publico por a disfruta di weganan di
calidad. Pa nos recapitula, e ultimo weganan cu ta tras di lomba,
Dakota a vence Britannia cu e score 3-2, pa despues RCA gana
Nacional 5-0.

AVB sigur hopi contento cu e acogida di e publico cu un aceptacion y
respaldo grandi na deporte rey futbol. Cambionan y adaptacionnan
den e rumbo nobo cu e directiva di AVB ta hibando e deporte ta
dunando bon resultado y ta den plan aki pa sigui traha riba eleva
y mantene e calidad den halto.
Â
Un invitacion cordial pa diadomingo anochi caminda lo tuma luga
un double header. Programa como e prome wega, bataya entre
e dos titan, cualnan ta Dakota y RCA. Un expectativa haltisimo
caminda ambos partido mira como e gran favoritonan pa yega
final y titula nan mes como ganador. Stadion cu cada partido
di SV Dakota a sa di surpasa e cantidad maximo permiti den e
compleho y como tal a premira cu pa e partido venidero lo tin
cu duna acceso na e tribuna mas grandi na e otro banda p’asina
acapara e fanaticada cu lo yega den masa pa apoya tanto e ekipo
di Dakota como esun di RCA.

Varios DJ y animacion a ser confirma caba pa asina laga e ambiente
keda uno di goso y alegria total, nombernan manera e. o. DJ Sky,
DJ Vibes, DJ Alah, DJ Xavi D, Mc Oz, Papito Rafael y mas cu lo t’ey
pa pone drama den un stadion completamente yen.

Dado caso cu Dakota mester gana of empata cu RCA,
automaticamente e lo clasifica pa final di e campeonato. E
siguiente wega lo ta entre e orguyo di Noord, Nacional y e pumanan
di Britannia. Cu tambe a haci un yamada na su fanaticada pa yega
stadion y duna e respaldo na cada team den un Playoff 2016 di
kita sombre.

For di awor caba, tur amante di bon futbol, y e fanaticada grandi di
cada un di e teamnan, yega, bin yena e stadion, bin cu bo tambor,
fluit, bin haci bochincha y mustra e teamnan bo respaldo y alabes
disfruta di un bon futbol caminda cu talentonan grandi lo resalta
den gran forma.