Page 1 - AWEMAINTA
P. 1
Augustus 4, 2017
www.awemainta.com Na Aeropuerto Reina Beatrix
www.facebook.com/awemainta
noticia@awemainta.com AFPAKTEAM A CONFISCA SUMA
583-1400
DI 116.510 DOLLAR FOR DI UN
CHINES RESIDENCIA NA ARUBA
DIA 2 di augustus ultimo, Douaneronan na Aeropuerto Internacional Reina Beatrix,
a atende un homber di 56 aña di edad, procedente di China, pero biba na Aruba,
cu tabata purbando pa biaha pa China.
Prome cu el a biaha, e pasahero a pasa na oficina di Douana pa duna cuenta di un
suma di placa cu e lo biaha cu ne.
Ora a atende for di unda e placa efectivo aki a bin, a surgi preguntanan cerca e
Douaneronan, cu a opta e ora pa envolvi e Integraal Afpakteam Aruba. Despues di
evaluacion, a opta pa Douane controla e pasahero aki mihor.
Ora a conta e placa, a resulta cu ta un suma grandi di US$ 116,510,=. Mirando e
declaracion di e pasahero haci na Aeropuerto, riba procedencia di e placa, a opta
pa detene y entreg’e na Integraal Afpakteam bou sospecho di labamento di placa.
“Integraal Afpakteam Aruba” ta un cooperacion entre miembronan di Cuerpo
Policial Aruba, Ministerio Publico, Servicio di Impuesto, Cuerpo di Aduana y
Guardacosta.
Tambe nos ta traha den cooperacion masha estrecho cu RST, FIU/MOT y e “Fu-
sion Centre”. Hunto nos ta para mas duro, hunto nos ta forma un solo mokete:
No por premia criminalidad!
Bo tambe ta dispuesto pa coopera?
