Page 4 - LOTTO

Diamars 10 Mei 2016
Switch Foundation ta anuncia e hoben selecciona di
e proyecto "Build it with Art"
Switch Foundation a lanza
e promer edicion di "Build
it with Art" y a uni hunto
cu e compania Emco, The
Academy of Fine Arts and
Design di Aruba, Nahr
Media y Departamento di
Cultura pa apoya y yuda
desaroya e talento artistico
di hobennan arubiano cu
ta soña di haci di Aruba un
mihor pais via arte.
Den e promer edicion
aki a postula 5 hoben cu
a desea di drenta den e
‘Curso Preparatorio’ di
e Academy of Fine Arts
& Design cu lo prepara
nan pa por continua un
profesion den arte visual.
E hobennan mester a
desaroya y entrega un
boceto di un dibuho unico
cu a mustra e tecnica,
originalidad y en especial
un mensahe positivo pa e
hubentud di Aruba.
E siman aki, a scoge e
dibuho aki cu lo wordo
proyecta y produci hunto
cu ayudo di e team di
EMCO pa asina cuminsa
Pagina 23
e benta di e T-shirts na
luna di mei y asina nos tur
yuda e hoben aki recauda
e fondonan pa drenta e
curso preparatorio.
E hoben selecciona ta
JEAN PAUL SALCEDO.
E tin 16 aña y ta studiante
di Juliana School. El a
ser scogi for di un total di
5 participante di "Build it
with Art" cu a entrega e
boceto final dilanti di un
hurado conforma door di:
Jhon Freddy Montoya di
Departamento di Cultura,
Lara Kuiperi (Artista Visual)
y Gionina Engelhardt
(Fashion Designer). Nan
criteria tabata basa riba 3
punto: originalidad, tecnica
y mensahe.
Den su diseño Jean Paul
tin e mensahe di e poder
cu nos tin pa sana nos
mes y sigui pa dilanti
apesar di decepcionnan. E
ta representa dos man cu
un angua y hilo cu ta cose
un curazon.
Continuacion pag. 29