Page 3 - MIN SOC

VALERO
Tambe nos ta insisti pa sa kico nan ta negociando cu Valero. MEP ta PRO reapertura di e refineria, pero nos ta
critico pasobra bo no por confia AVP. AVP a regala Valero demasiado caba, y awor Valero no por wordo
permiti di “walk away” sin carga su responsabilidad riba e claim ambiental. E intentonan di prome minister pa
tira culpa atrobe riba Gobierno di MEP, ta muestra di su falta di sinceridad pasobra e unico cu a exonera
refinerianan den pasado tabata AVP, Henny Eman.

PDVSA
Un otro punto cu a resalta tabata e intentonan sobrehumano di Mike Eman pa haci manera cu pa nan PDVSA
no ta existi, y pesey nos kier studia kico concreto a wordo firma na venezuela.

EMPLEO PA NOS HENDENAN PROME
Un tema di preocupacion ta e Trahadornan arubiano no tin garantia cu nan lo por haya trabou. Pesey nos
fraccion a pidi reunion publico (OV) pasobra un bijeenkomst ta pa show e ta. Nos MESTER haya e
documentonan concerni mas pronto cu ta posibel. E pregunta ta keda ken ta bay haya e cuponan di empleo,
pasobra kier bin cu un limite di 20% pa e trahadornan fiho di exterior den e refineria. Pero e limite lo no conta
pa contraristanan. Kiermen eynan lo no tin control debido. Nos ta puntra nos mes dicon no por aplica e regla di
80% pa local y max 20% pa stranhero riba contratistanan tambe. MEP semper tabata na fabor di re-apertura di
e refineria pa combati desempleo na Aruba y pa brinda nos hendenan empleo y miho perspectiva. Awe nos no
a haya e sentimento cu Gobierno ta trahando riba esey. Nos a keda cu un sensacion cu Gobierno no ta honesto
cu Parlamento ni cu pueblo.