Page 53 - MIN SJA 20 OCT 2015

Cambionan laboral lo worde discuti den Conseho di
ministronan

Publication: Tuesday, 20 October 2015. Categoria: General
Minister di Labor:

ORANJESTAD (AAN): Minister di Labor drs. Paul Croes a tuma nota di e reaccion di FTA riba
e proposicion di e cambionan den e ley laboral den e codigo civil.
“Durante e proceso legal tin varios momento cu e cambionan den e ley aki ta worde discuti
prome cu esaki yega Parlamento. Na e momentonan aki Departamento Juridico ta haciendo e
amiendanan proponi a base di discusionan den tri-partite pa asina oficialmente entrega esakinan
na Gobierno di Aruba. Minister di Labor na su turno lo presenta esaki na Conseho di ministronan
pa asina manda esaki Parlamento pa por vota riba esaki”, Minister Paul Croes a mustra na
DIARIO.
E cambionan proponi ta varios y lo trata esakinan den un reunion publico na dado momento.
Den e cambionan aki, Minister Paul Croes lo kier informa Parlamento di Aruba tambe riba e
proposicionan presenta, pa asina nan ta bon informa di esaki. Prome cu e ley aki yega
Parlamento, conseho di ministronan lo duna su aprobacion na esaki.
Tin alrededor di 15 cambionan den e ley cu ta worde proponi y un di esunan mas discuti ta e
articulo 1613X.
Minister Paul Croes su posicion den esaki ta basa riba consehonan di Conseho Consultivo,
raportnan di IMF y expertonan juridico den leynan laboral.
“Na momento cu nos recibi e cambionan proponi manera ami como Minister a propone, lo mi
presenta esaki na Conseho di ministronans pa asina discuti y finalmente manda esaki Parlamento
di Aruba”, Minister Paul Croes a conclui.
http://www.diario.aw/2015/10/cambionan-laboral-lo-worde-discuti-den-conseho-di-ministronan/