Page 6 - HOH front covers-14

AWEMainta Diasabra, 17 September 2016 3

Colombia ta prepara su mes pa turista medico y asina e.o.

Banda di Bucaramanga a dicidi di construi
un hospital masha grandi di 1192 cama

Nan ta spera di atrae 12 mil turista medico for di islanan di Caribe Hulandes

DEN e revista International Medical Travel Medical, cu ta

specialisa riba tereno di turismo medico a publica cu ultimo
añanan Colombia a sigui desaroya como un destinacion medico
importante, pero a keda tras riba tereno di facilidadnan modern.
Esaki ta motibo cu Internacional Hospital na Colombia a dicidi
di construi un hospital cu no menos di 1192 cama.
Esaki ta wordo construi na Piedecuesta, cu ta keda pega cu
Bucaramanga. E hospital aki ta unico den Latino America cu
avance tecnologico.

Lo tin equipo di diagnostic ulta modern y cu salanan di opera-
cion cu tin tur equipo sofestica. E hospital aki tin un acuerdo
firma c University of Pittsburg Medical Center pa duna servicio
medico riba tereno cardiovascular y oncologico.
Manera e revista a sigui publica, cu Colombia ta convertiendo
su mes den e destinacion di turista medico importante.
Maske cu Colombia a keda atras den facilidadnan moderno, e
ultimo dos decadanan Colombia a trata pacientenan interna-
cional riba tereno di optamologia, cardiologia, odontologia,
oncologia. Pero aworaki e situacion a cambia.
Di acuerdo cu cifranan di Departamento di Imigracion ta bisa
cu tabatin 10.243 turista medico na 2015, loke ta un aumento
di 6.4% compara cu e aña prome.
Entre januari y mei di e aña aki, ya tabatin caba 5682 turista
medico. A pronostica cu lo haya 12 mil turista medico e aña
aki so.
Segun e publicacion, mayoria di e pacientenan ta bin for di
Caribe Hulandes, cu ta Aruba, Corsou, Bonaire y St.Maarten.
Tambe nan ta haya pacientenan for di Merca, Venezuela y Ec-
uador. Aworaki e instituto kier atrae mas cliente for di exterior,
asina e revista ta bisa.
Ta obvio cu Colombia pa su prijsnan ta hopi competivo den e
area aki, aunke cu Venezuela tambe ainda ta relativamente
atractivo, pero hopi ta considera peligroso pa motibonan di
seguridad y falta di remedy.
Ta conoci, cu AZV, pa ta manda mayoria di su pacientenan pa
Colombia, y sigur esnan pa curazon ta bay Bucaramanga.
Aruba ta expandiendo su hospital, pero ainda no ta conoci
concretamente cua specialismo lo wordo atendi na Dr. Horacio
E. Oduber Hospital y mescos tambe pa loke ta IMSAN. Maske
e ultimo aki ta bin ta papia cu e lo bira un Centro di Oncologia,
den combinacion cu Baptist Hospital na Miami, pero mucho
mas no a wordo haci.

Den pasado, e intencion tabata pa haci IMSAN un centro di
cardiologia, pero dicho plan a cambia y Dr. Horacio E. Oduber
Hospital hunto cu cardiologonan di Hulanda a cuminsa haci
operacion di curazon na Aruba mes, pero a deshaci di e plan aki,
ora cu a mira cu e ta demasiado caro y asina a bolbe cuminsa
manda paciente di curazon y otronan pa Colombia.
Cu construccion di un hospital masha grandi na Piedecuesta,
hopi serca di Bucaramanga, lo ta mas paciente lo bay aya.