Page 3 - ON JULY 5

ta halto y con cu bay bin, e suma cu SKOA ta pidi ta menos halto cu diferente otro scolnan na Aruba. Esey pa
locual ta trata topico di Schoolgeld cu no por paga.

A puntra sr Coffie pa kico e placa aki ta, pasobra SKOA no ta cumpra material, SKOA no ta renoba e scolnan
di Aruba. E ora unda e placa ta bay.

E destino di e placa aki SKOA a menciona den pasado. Ta trata di mantencion di scol, cual ta klein onderhoud,
cual ta cay pa gastonan di SKOA. Tin diferente otro gasto cu no ta wordo cubri pa Gobierno. Por ehemel un
punto importante ta, cual a bin dilanti den e caso di corte, ta cu e suma cu SKOA ta haya, ta mara na un cierto
maximo, pasobra ta wordo determina a base di norm bedragen y esey ta trece cune cu una bes cualkier gasto cu
ta mas halto cu esey, ta algo cu den cierto sentido ta eigenlijk cay pa SKOA.

Naturalmente parti di e suma cu a wordo apunta pa schoolgeld, tambe ta parti di actividadnan, parti di dje ta pa
seguro tambe. Esey ta un paar di ehempel pakico e placa aki ta destina na dje y al fin y al cabo e punto final ta
cu e placa aki ta na bienestar di enseñansa di e muchanan, cu ta bay scol di SKOA.

Coffie a splica cu e un suma ey ta trece cune e actividadnan cu ta wordo organisa, ta suppose di cobra tur e
actividadnan. E ora no ta contrario cu den pasado, cu pa cada actividad specifico ta bay bin bek cerca e mayor
pa un contribucion. Ta paga un solo biaha y that’s it. Esey ta e meta pa e suma cu a wordo determina, Coffie a
splica.