Page 5 - ON JULY 5

proceso di planificacion y legal ta tuma su tempo, ta keda pusha pa esaki por ta cla lo mas pronto posibel.
Adicionalmente por menciona e renobacion y ampliacion di Rosa College na Playa, reparacion y
mehoracionnan na Cacique Aterima Kleuterschool, Scol Pa Ofishi y Ayo Kleuterschool na Santa Cruz como
tambe, Pius X na Dakota.
Construccion di ‘verkeersplateau’ tambe ta forma parti di e mehoracion rond di e scolnan. Fuera di tur esnan
cu ya a keda instala rond di Aruba manera na Rosario College na Playa y Scol Preparatorio Nos Paraiso na
Paradera, tin varios otro cu ta proximo riba e lista di Gobierno.
Den e presentacion duna dialuna mainta den Sala di Prensa di Bestuurskantoor ta figura verkeersplateaunan
riba Driemasterstraat dilanti di St. Franciscus College, na Caya Ernesto Petronia dilant di Dominicus College,
riba De La Sallestraat dilanti di e scol di mesun nomber, na Montaña dilanti di Colegio Felipe B. Tromp y
tambe dilanti di Biblioteca Nacional na Oranjestad.