Page 6 - awm13aug2016

6 AWEMainta Diaranson, 13 Augustus 2016

Pa tercer biaha den mitad di aña

Reina di Carnaval ta bira
victima atrobe di otro incidente

straño na Palm Beach

E biaha aki desconocinan a purba abusa di dj’e

DIARANSON anochi pa diahuebs marduga, otro caso

straño ta sosode cu Reina di Carnaval na Palm Beach.

Polis a wordo manda n’e sitio, unda supuestamente dos
homber a bay cu ne den un sitio bashi y cuminsa ranca
su paña cu intencion di abusa di dj’e, pero no a logra.
Mas unidad policial a presenta pa cuminsa cu un buske-
da a base di descripcion di e Reina, pero no a topa cu
ningun sospechoso.

E Reina di Carnaval a wordo transporta pa Hospital pa
un chekeo medico cu a confirma cu ningun abuso sexual
a tuma luga. Esaki no ta prome biaha cu incidentenan
straño ta sosode cu e Reina aki.

Algun luna pasa, un supuesto atraco a tuma luga na Palm
Beach ora e tabata sinta pafo na su cas.
Desconocinan tabatin intencion di comete atraco, pero
no a logra hiba nada.
Un tempo despues, e Reina a bebe likido peligroso inten-
cionalmente cual a afecta su salud y e mester a wordo
transporta pa Hospital.

Departamento di Jeugd en Zeden Politie ta na altura di
e caso aki.
Prome cu e incidente di e anochi ey, e Reina a skirbi un
mensahe riba Facebook cu ta indica un problema y mo-
tibo pakico el a tuma e decision pa bay biba den exterior.
No por confirma pero tampoco descarta e posibilidad
cu locual a sosode cu ne den solamente mitad di aña ta
relaciona cu su decision.