Page 5 - ASTEC JAN 7,2015
P. 5
E aña aki Aruba lo conoce un area di waf revitalisa, organisa
y bunita
Tuesday, 06 January 2015 21:30
Comparti
Na 2010 gobierno a cuminsa cu un proyecto hopi grandi pa revitalisa e centro di Oranjestad y embeyece e
areanan frecuenta pa nos hendenan local, turistanan cu ta bishita riba barconan crucero y turistanan di
estadia (stay over), cual ta inclui e caya principal pa haci compra, Caya Betico Croes.
E areanan en cuestion tabatin mester di renobacion, restauracion y reorganisacion completo y cu Caya
Betico Croes practicamente cla, dialuna awo gobierno lo firma cu Arubaanse Wegenbouw pa cuminsa e
prome di tres proyecto cu lo conecta waf cu e caya aki. Paardenbaai Plaza ta e prome parti di e proyecto y
ta inclui e area unda cu turistanan cu ta bishita Aruba cu barco ta yega. For di e area aki, unda antes
tabatin e tankinan, e turistanan ta cuminsa nan actividadnan riba nos isla y ta importante pa e
experiencia ta uno placentero sin reto. Den un entrevista cu Juni Tromp, kende ta miembro di gobierno
su Infra Team encarga cu diferente proyecto, el a splica cu e di dos fase ta encera e area entre L.G. Smith
Boulevard y Weststraat. Lo cuminsa cu e construccion den e area ey asina cu Paardenbaai Plaza keda cla.
E fase aki ta inclui tambe un area pa parkingconstruccion di kiosconan nobo pa reemplasa esunnan cu tin
awo banda di e bus station. E kiosconan nobo lo ta mas duradero y lo wordo construi segun un standard
pa asina mantene ful e ambiente den e mesun esfera, cu elementonan cu ta pas esteticamente cu otro,
segun Tromp. Lo mantene un sistema Caribense, nan lo ta mas habri posibel, cu bon visibilidad. E
kiosconan nobo por wordo cera y mercancia lo keda sigur den nan. E di tres fase ta e area di Weststraat y
Schelpstraat y henter e proyecto aki a wordo diseña y planea pa personal di DOW. E trabao di
construccion mes ta wordo otorga na diferente compania, incluyendo pues Arubaanse Wegenbouw, pa
medio di destaho publico. E meta ta pa cuminsa cu e di prome fase asina cu e proyecto ta firma pa asina
logra pa tur tres fase keda cla prome cu cuminsamento di e high season di barco crucero 2015/2016, cual
ta cuminsa na oktober caba. Tambe ta tene cuenta cu e mudamento di e waf di container pa Barcadera,
cual tambe mester tuma luga durante di 2015, pues den e area di Freezone tambe lo por nota aki algun
luna cu diferente trabaonan lo cuminsa. Actualmente DOW ta bezig cu e planning. E idea ta pa hopi mas
area keda habri pa publico y pa tin un bista cla y limpi pa lama for di diferente angulo, unda cu awendia
tin container, edificio, etc. E proyecto pa conecta waf cu Caya Grandi ta costa entre 3 pa 3.5 miyon florin
y ta wordo financia pa FDA. Juni Tromp a splica cu tin diferente proyecto cu ta wordo financia pa
diferente organisacion, incluyendo FDA, SOGA y gobierno mes.
http://www.24ora.com/local-mainmenu-5/90359-e-ana-aki-aruba-lo-conoce-un-area-di-waf-revitalisa-
organisa-y-bunita
y bunita
Tuesday, 06 January 2015 21:30
Comparti
Na 2010 gobierno a cuminsa cu un proyecto hopi grandi pa revitalisa e centro di Oranjestad y embeyece e
areanan frecuenta pa nos hendenan local, turistanan cu ta bishita riba barconan crucero y turistanan di
estadia (stay over), cual ta inclui e caya principal pa haci compra, Caya Betico Croes.
E areanan en cuestion tabatin mester di renobacion, restauracion y reorganisacion completo y cu Caya
Betico Croes practicamente cla, dialuna awo gobierno lo firma cu Arubaanse Wegenbouw pa cuminsa e
prome di tres proyecto cu lo conecta waf cu e caya aki. Paardenbaai Plaza ta e prome parti di e proyecto y
ta inclui e area unda cu turistanan cu ta bishita Aruba cu barco ta yega. For di e area aki, unda antes
tabatin e tankinan, e turistanan ta cuminsa nan actividadnan riba nos isla y ta importante pa e
experiencia ta uno placentero sin reto. Den un entrevista cu Juni Tromp, kende ta miembro di gobierno
su Infra Team encarga cu diferente proyecto, el a splica cu e di dos fase ta encera e area entre L.G. Smith
Boulevard y Weststraat. Lo cuminsa cu e construccion den e area ey asina cu Paardenbaai Plaza keda cla.
E fase aki ta inclui tambe un area pa parkingconstruccion di kiosconan nobo pa reemplasa esunnan cu tin
awo banda di e bus station. E kiosconan nobo lo ta mas duradero y lo wordo construi segun un standard
pa asina mantene ful e ambiente den e mesun esfera, cu elementonan cu ta pas esteticamente cu otro,
segun Tromp. Lo mantene un sistema Caribense, nan lo ta mas habri posibel, cu bon visibilidad. E
kiosconan nobo por wordo cera y mercancia lo keda sigur den nan. E di tres fase ta e area di Weststraat y
Schelpstraat y henter e proyecto aki a wordo diseña y planea pa personal di DOW. E trabao di
construccion mes ta wordo otorga na diferente compania, incluyendo pues Arubaanse Wegenbouw, pa
medio di destaho publico. E meta ta pa cuminsa cu e di prome fase asina cu e proyecto ta firma pa asina
logra pa tur tres fase keda cla prome cu cuminsamento di e high season di barco crucero 2015/2016, cual
ta cuminsa na oktober caba. Tambe ta tene cuenta cu e mudamento di e waf di container pa Barcadera,
cual tambe mester tuma luga durante di 2015, pues den e area di Freezone tambe lo por nota aki algun
luna cu diferente trabaonan lo cuminsa. Actualmente DOW ta bezig cu e planning. E idea ta pa hopi mas
area keda habri pa publico y pa tin un bista cla y limpi pa lama for di diferente angulo, unda cu awendia
tin container, edificio, etc. E proyecto pa conecta waf cu Caya Grandi ta costa entre 3 pa 3.5 miyon florin
y ta wordo financia pa FDA. Juni Tromp a splica cu tin diferente proyecto cu ta wordo financia pa
diferente organisacion, incluyendo FDA, SOGA y gobierno mes.
http://www.24ora.com/local-mainmenu-5/90359-e-ana-aki-aruba-lo-conoce-un-area-di-waf-revitalisa-
organisa-y-bunita
