Page 13 - MIN JUS 11 MAY 2016

Hof a mustra tambe cu e scuchamento di e yamada di telefoon di e tata di Ras cu e tanta di Ras, por conclui cu na
e momento di e tiramento, e acusado Ras no tabata na cas di e tanta cu ta casa cu A.V. Por a compronde for di e
tanta, cu Ras a Sali cu e brommer.
Hof a sigui bisa cu e ta haya tur e otro declaracionnan di testigo confiabel ya cu e diferencia no ta di tal grandi cu
mester pone nan un banda. Nan ta cuadra cu e otro pruebanan.
Hof ta haya cu e hecho cu A.V. tabata kimando pañanan, ta mustra cu e tabata deshaci di pruebanan di e acusado
Ras den e tiramento. Hof a bisa cu nan no ta kere e declaracion di Ras cu A.V. tabata kima paña pa core cu sangura.

MARCA DI POLVO RIBA MAN:
Hof ta haya cu e hecho cu Instituto Forense di Hulanda ta haya cu e marcanan di polvo di tiro riba man di Ras tin
hopi relacion cu e hulsnan cu a haya na Tanki Leendert, ta haci cu Ras ta complice di asesinato y intento di
asesinato. Hof a rechaza e parti di defense cu por bien ta cu Ras a haya e polvo di tiro riba su man door di duna
man na diferente personanan.
CULPABEL DI ASESINATO:
Hof ta mustra cu loke a convence nan cu ta Ras ta esun cu intencionalmente y premedita a tira mata Brete y tira
P. den pia, ta e combersacion entre e tata di Ras y e tanta, kendenan tabatin miedo cu Ras lo tuma venganza riba
asesinato di su amigo Edison Graciete. Hof a mustra tambe cu Ras mes a expresa na dos miembro di Recherche cu
e mes lo bay regla e asunto aki y cu nan lo bay detene.
CASTIGO:
Tur e puntonan aki Hof a tene debido cuenta cu nan den su sentencia. Apesar cu Hof a destrui e sentencia di
Corte den Promer Instancia, Hof ta haya Ras culpable y ta conden’e na 18 aña den prison, kitando e tempo cu e ta
sera caba.
SERA DEN EXTERIOR:
Manera DIARIO a publica, Ras, pa motibo di menaza den KIA, a worde saca cu urgencia for di KIA y hiba na un
prison den exterior. Tin indicacion cu Ras lo keda por lo pronto den exterior pa sinta su castigo.

http://www.diario.aw/2016/05/hof-a-confirma-castigo-di-18-ana-di-prison-pa-baba-ras/