Page 7 - MIN JUS 11 MAY 2016
P. 7
Ministernan di Husticia di Reino Hulandes para 100% tras di
curso pa Arrestatieteam na Aruba
Tuesday, 10 May 2016 18:58
Comparti
Recientemente Scol pa Polis Edgar J. “Watty†Vos a celebra graduacion di 11 profesional den ramo di aresto cu a
completa e curso special pa Arrestatie Team (AT). Minister di Husticia, mr. Drs. Arthur Dowers a participa na e
ceremonia di entrega di certificado y ta satisfecho cu e confiansa cu Ministernan di Husticia di Caribe Hulandes y di
Hulanda a pone den Aruba y e sosten ricibi pa organisa e curso na nos isla.
Minister Dowers a splica cu a realisa e curso den cooperacion y aprobacion di e Ministernan di Husticia di Sint
Maarten, Corsou y Hulanda y e departamento di intervencionnan special di Cuerpo Policial Hulandes y kazerne di
Marina Real na Aruba. Mayoria instructor tabata local y cu cooperacion di Marina Real pa uzo di e kazerne na
Savaneta a logra ofrece un curso di nivel halto y hopi profesional.
E mandatario a expresa cu ta un hecho cu e situacion di crimen ta cambiando rond mundo y no solamente na Aruba,
pero den region tambe ta experenciando hopi cambio den e caracter di y tacticanan uza pa criminalnan. E tendencia
den crimen cu ta cambia dia pa dia ta exigi pa husticia tin gruponan di profesionalnan specialisa cu ta ricibi
instruccion y “updatenan†con pa controla y maneha situacionnan cu presenta. Cu e curso pa “Arrestatie Team†ta
percura pa e grupo aki keda na altura di tur e trendnan pa asina ta mas eficiente y efectivo den combati criminalidad.
Esunnan cu ta desea di participa na e opleiding aki ta pasa den un seleccion basta pisa. E curso mes ta hopi intensivo
y pisa, e ta exigi esfuersonan hopi intensivo tanto fisicamente como mentalmente. Ta bon pa enfatisa cu di 22
persona cu a cuminsa e curso ta solamente 11 a completa e curso cu exito. Minister Arthur Dowers ta felicita tur
participante y a expresa di ta spera cu e curso por sigui anualmente, como cu e Ministernan di Caribe Hulandes y
Hulanda ta para 100% su tras.
