Page 6 - HOSPITAAL 15 APRIL 2016

IMSAN buscando atencion di Comandante di Bombero
encarga cu Meld Kamer 911 pa e problema di melding di
Ambulance

Thursday, 14 April 2016 19:17
Comparti

Director di IMSAN, Joel Rajnherc durante entrevista a splica cu e problema ta cu e meldkamer di 911 no
ta bao di guia di e departamento di Imsan di departamento di ambulance.
Nan ta cay directamente bao di Brandweer, cu ta cay bao di Departamento di Husticia. Ora cu e persona
di 911 no comunica suficientemente bon cu departamento di ambulance of no a cuminsa at all y bisa,
pasobra e ta wak riba GPS cu tres ambulance ta bayendo un luga, e ta bisa cu no tin ambulance. Pesey a
puntra pa reunion cu comandante de Cuba, hefe di Brandweer pa sinta pa wak con ta soluciona e
problema aki. E meldkamer mester di hopi mas educacion con pa contesta un pashent cu ta yama y segun
e dokter ta kere, na hopi parti di mundo, e meldkamer mester ta dividi den tres departamento. Un ta pa
brandweer, ora cu tin un candela, cu nan mes ta atende. E di dos ta e departamento di polis, manera cu e
ta caba, cu ora yama nan y si ta un asunto pa polis, no ta brandweer ta contesta, ta inmediatamente
comunica cu polis. Eigenlijk esey mester tuma luga pa ambulance tambe. Mester tin un persona
specialmente dedica cu sa di kico e ta haci y papia y tin e trainingnan ey special cu ta bin for di
Ambulancezorg di Hulanda, cu ta duna e educacion pa e chauffeur y e verpleegkundigenan y ta dispuesto
pa leid op y tuma over e departamento ey bao di guia di Imsan, pa mehora e servicio pre-hospital care, cu
ta e prome paso den salba bida di un hende cu ta den emergencia.
No tin suficiente
Por tin forma pa yega na un solucion na esaki. Tin situacionnan cu ta bezig cu pashent cu no ta
emergencia y ora e emergencia presenta ta un dolor di cabes si tin hende abordo. Esey ta un di e cosnan
cu ta evaluando si por sigui cu solamente tres auto riba caminda of semper mester tin un di cuater auto
riba caminda. Ta hopi gasto extra y tin cu sinta palabra tambe cu AZV riba e situacion aki y cu minister,
pasobra esakinan ta cosnan cu e desaroyo di nos isla ta causando cu no por mas cu tres ambulance. Tin
suficiente ekipo, pero ta bay tin mester di mas persona pa pone nan continuamente riba caya.
Actividadnan 24 ora pa dia
Antes tabata kere cu e cosnan aki ta sosode anochi so, pero mas y mas ta nota cu ta 24 ora pa dia tin
mester di mas hende riba caya. Tambe tur sorto evento cu ta organisa, vooral riba dianan di fiesta, tambe
tin hopi accidente, hopi emergencia riba nan. Cuanto mucha ta bay lama, den temporada di fiesta, cu casi
ta hoga of ta hoga of den piscina na cas y tin mester mas ekipo. Ta bayendo den e direccion cu Aruba no
por mas cu solamente tres vehiculo. Ya tin momentonan di evento manera Carnaval cu tin seis ekipo