Page 1 - AWEM 140315

Diasabra 14 di Maart 2015 | Margrietstraat 3 | Tel: 583-1400 | Fax: 583-1444 | noticia@awemainta.com awemainta.com

Your address for the best software and support.

Accounting Software
Payroll Software
Document Management
HRM / CRM Software

Tel.: 583-7072 | info@vcc-int.com | www.vcc-int.com

MINISTER MR. ANGEL BERMUDEZ TA INFORMA:

DETAYENAN DI
REFORMA FISCAL

LO WORDO PRESENTA PA PROF. VERMEEND

MINISTER di Finanza, mr. Angel Bermudez a confirma cu profesor

Vermeend a yega Aruba diahuebs anochi p’asina presenta den
e dianan benidero e plan completo di e reforma fiscal na
Gobierno, Parlamento y demas instancia. Esaki ta inclui su
conseho definitivo di con e leynan di impuesto lo wordo
modernisa y simplifica den e dos añanan benidero.
Segun e mandatario di finanza, sigur e plan no ta pa in-
troduci ningun impuesto nobo p’e aña aki sinembargo
si tin algun ahustacion como parti di e reforma cu lo
por wordo ehecuta di tempran pa simplifica di e ley-
nan, esaki lo por wordo implementa ainda pa 2015.

“Mi ta kere mas bien e reformanan di mas grandi
lo ta pa 1 januari 2016 y 1 januari 2017. Mi ta
masha ancioso p’e presentacion aunke mi tin

un idea mas o menos di kico pa spera ya cu
mi ta mantene comunicacion regularmente
cu profesor Vermeend”, Minister Bermudez

a expresa.
Prof. Willem Vermeend lo splica exacta-
mente con e efectonan di e reforma lo ta,
kico lo haci pa cuminsa simplifica y mod-
ernisa henter e composicion di leynan di
impuesto di Aruba, con esaki lo bay sostene
henter e desaroyo economico di Aruba

y tambe di con e lo ta sostene henter e
maneho cu Gobierno tin pa yega na un
finanza publico sostenibel.

E no ta un secreto cu un di e retonan di mas
grandi pa Minister Bermudez t’e reforma di e
totalidad di e leynan di belasting y despues di algun
bishita di prof. Vermeend na Aruba cu varios re-
union entre diferente gremio concerni, e comision
bou di liderazgo di sr. Vermeend a finalisa e

conseho pa loke ta trata e reforma fiscal y den
e dianan benidero esaki lo ta conoci entre e
diferente gremionan.